O Pleno da Corporación, na sesión ordinaria que tivo lugar o día 2 de outubro de 2015, adoptou o seguinte acordo:
«Primeiro. Aprobar definitivamente a modificación puntual número 1 do Plan parcial do polígono industrial de Vilar do Colo.
Segundo. Publicar este acordo no prazo dun mes no DOG e a normativa e ordenanzas no BOP da Coruña.
Terceiro. Comunicar este acordo á Consellería de Medio Ambiente, Territorio e Infraestruturas dándolle traslado de dúas copias autenticadas e dilixenciadas pola Secretaría municipal da modificación puntual definitivamente aprobada».
O documento que se somete a aprobación definitiva é o redactado con data de marzo de 2015, que integra as modificacións suxeridas por Augas de Galicia recollidas na Decisión do 19 de febreiro de 2015 de non someter á avaliación ambiental estratéxica a citada modificación puntual.
O acto de aprobación definitiva da modificación puntual do Plan parcial foi comunicado á Consellería de Medio Ambiente, Territorio e Infraestruturas con data do 21 de maio de 2008, en cumprimento do disposto polo artigo 92.3 da Lei 9/2002, do 30 de decembro, de ordenación urbanística e protección do medio rural de Galicia (LOUG).
En sesión plenaria do 5.11.2015, o Pleno acordou unha rectificación duns erros advertidos no acordo de aprobación definitiva da modificación puntual número 1 do Plan parcial do polígono industrial de Vilar do Colo. A dita rectificación foi comunicada á Consellería de Medio Ambiente e Ordenación do Territorio o 12.11.2015.
O anuncio de aprobación definitiva, xunto coa normativa rectificada, publicouse no BOP da Coruña o día 20 de novembro de 2015.
Contra o acordo de aprobación definitiva da citada modificación do Plan parcial poderase interpoñer directamente recurso contencioso-administrativo, ante o Tribunal Superior de Xustiza de Galicia, no prazo de dous meses contados a partir do día seguinte ao da publicación deste anuncio.
Fene, 20 de novembro de 2015
Juventino José Trigo Rey
Alcalde