En virtude da Resolución do 6 de outubro de 2015 (DOG núm. 196, do 14 de outubro), o tribunal nomeado para cualificar o proceso selectivo para o ingreso no corpo superior da Administración da Xunta de Galicia, subgrupo A1, escala de letrados/as, convocado pola Orde da Consellería de Facenda do 9 de maio de 2014 (DOG núm. 96, do 21 de maio) fixo pública a relación de aspirantes que o superaron.
Unha vez examinada a documentación presentada polas referidas aspirantes segundo o previsto na base IV.2 da convocatoria, esta consellería, de conformidade co disposto na Lei 2/2015, do 29 de abril, do emprego público de Galicia, e demais normas concordantes,
DISPÓN:
Nomear funcionarias do corpo superior da Administración da Xunta de Galicia, subgrupo A1, escala de letrados/as, as aspirantes aprobadas que se relacionan no anexo desta orde, ordenadas de acordo coa puntuación final obtida, e adxudicarlles como destinos provisionais os que figuran nel.
Para adquirir a condición de funcionarias, as persoas a que se refire o anexo desta orde deberán cumprir os requisitos exixidos no artigo 60 da Lei 2/2015, do 29 de abril, e tomar posesión do correspondente posto de traballo no prazo dun mes, que comezará a computarse a partir do día seguinte ao da publicación desta orde no Diario Oficial de Galicia.
Contra esta orde, que pon fin á vía administrativa, poderase interpoñer, con carácter potestativo, recurso de reposición ante o conselleiro de Facenda no prazo dun mes contado desde o día seguinte ao da súa publicación, ou directamente recurso contencioso-administrativo, no prazo de dous meses contados desde esa mesma data, ante a Sala do Contencioso-Administrativo do Tribunal Superior de Xustiza de Galicia, conforme o disposto na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 5 de novembro de 2015
Valeriano Martínez García
Conselleiro de Facenda
ANEXO
Apelidos e nome |
DNI |
Código do posto |
Cons. |
Denominación |
Subg. |
Nivel |
Centro directivo |
Centro destino |
Concello |
Titulación |
Nieto Grande, Paula |
77406306J |
PRV300000015770012 |
PR |
Letrado/a |
A1 |
28 |
Asesoría Xurídica Xeral da Xunta de Galicia |
Asesoría Xurídica Xeral |
Santiago de Compostela |
Lic. Dereito |
Álvarez Caramés, Isabel |
44841323V |
PRV391000032001002 |
PR |
Letrado/a |
A1 |
28 |
Gabinetes xurídicos - Asesoría Xurídica Xeral da Xunta de Galicia |
Gabinete territorial de Ourense |
Ourense |
Lic. Dereito |
Pereira de la Riera, Josefina |
32701198M |
SAS994000127001002 |
SA |
Letrado/a |
A1 |
28 |
Servizos periféricos - Servizo Galego de Saúde |
Xerencia de Xestión Integrada de Lugo, Cervo e Monforte de Lemos (Lugo) - Asesoría Xurídica |
Lugo |
Lic. Dereito |