Eu, Sarai Paniagua Acera, secretaria xudicial do Xulgado de Primeira Instancia número 5 de Vigo, certifico que neste xulgado se tramitan autos de exequátur, seguidos ante este xulgado entre partes, como demandante Roberto Marti Blanco, representado pola procuradora Sra. Rodríguez González e defendido pola letrada Rosa María Martínez Castro, e como demandada Naiara Ribero da Silva, e nos cales se ditou o seguinte:
Auto.
Maxistrada xuíza: María del Carmen Salvador Mateos.
Vigo, 14 de xullo de 2015.
(Seguen antecedentes de feito e fundamentos de dereito).
Parte dispositiva.
Acordo:
1. Estimar a petición de recoñecemento da resolución estranxeira exequátur, presentada pola procuradora Purificación Rodríguez González, en nome e representación de Roberto Marti Blanco, fronte a Naiara Ribeiro da Silva, debo declarar e declaro recoñecida, válida e executable en España a sentenza ditada o 24 de febreiro de 2009 polo Tribunal Civil de Basilea, cidade suíza, que declara o divorcio.
Unha vez notificada esta resolución, anótese no Rexistro Civil onde conste inscrito o matrimonio.
Contra a presente resolución cabe interpoñer recurso de apelación no prazo de vinte (20) días, desde a notificación desta resolución, ante a Audiencia Provincial.
Así o acorda e asina a súa señoría. Dou fe.
E encontrándose a devandita demandada, Naiara Ribeiro da Silva, en paradoiro descoñecido, expídese o presente edicto co fin de que lle sirva de notificación en forma.
Vigo, 22 de setembro de 2015
A secretaria xudicial