DCT divorcio contencioso 1483/2014
Sobre divorcio contencioso
Demandante: Víctor Manuel Álvarez Romero
Procurador: Raniero Fernández Pérez
Avogado: Rafael Moreda García
Demandada: Ana Paula Bezerra
Cristina Cao Sánchez, letrada da Administración de xustiza do Xulgado de Primeira Instancia número 6 de Santiago de Compostela, polo presente anuncio:
No presente procedemento de divorcio seguido por instancia de Víctor Manuel Álvarez Romero fronte a Ana Paula Bezerra ditouse sentenza, cuxa resolución é do teor literal seguinte:
Decido que, estimando integramente a demanda de divorcio interposta polo procurador Sr. Fernández Pérez, en nome e representación de Víctor Manuel Álvarez Romero asistido do letrado Sr. Moreda García, fronte a Ana Paula Bezerra, maior de idade, sinalada en autos declarada en rebeldía procesual e sen intervención do Ministerio Fiscal ao non concorreren fillos menores de idade ou incapaces no citado matrimonio, debo decretar e decreto o divorcio do matrimonio contraído por ambos os dous litigantes o día 11 de novembro de 2006 en Brión inscrito no tomo 26, páxina 116, sección 2ª D, do Rexistro Civil desa localidade, por concorrer a causa prevista no artigo 86.1 do Código civil, transcorridos máis de tres meses de matrimonio.
Firme que sexa a presente resolución, remítanse os oportunos oficios para as procedentes anotacións rexistrais.
Non procede efectuar especial pronunciamento sobre as custas do presente proceso.
Esta resolución non é firme e fronte a ela cabe interpoñer recurso de apelación nos prazos e termos previstos na vixente Lei de axuizamento civil para a súa resolución pola Audiencia Provincial da Coruña (artigos 458 e 776 da Lei de axuizamento civil), logo de consignación de depósito previsto na disposición adicional décimo quinta da LOPX.
Así por esta a miña sentenza, pronúncioo, mándoo e asínoo, Roberto Soto Sola, maxistrado xuíz titular do Xulgado de Primeira Instancia número 6 desta localidade e o seu partido xudicial.
Publicación: lida e publicada a anterior resolución en audiencia pública polo xuíz que a ditou no día da data, dou fe.
E encontrándose a devandita demandada Ana Paula Bezerra, en paradoiro descoñecido, expídese o presente edicto co fin de que lle sirva de notificación en forma.
Santiago de Compostela, 19 de outubro de 2015
A secretaria xudicial
