A Orde do 15 de maio de 2015 (DOG do 27 de maio) pola que se convoca o concurso Eduemprende Idea 2015 dirixido ao alumnado das ensinanzas de formación profesional, deportivas ou de artes plásticas e deseño da Comunidade Autónoma de Galicia, sostidas con fondos públicos, establece as bases e o procedemento para a adxudicación dos premios nas modalidades A e B.
Unha vez realizada a valoración dos proxectos de empresa presentados pola comisión de selección, designada conforme o procedemento establecido na orde de convocatoria, publicada a proposta provisional de adxudicación dos premios para as modalidades A e B da convocatoria, vista a acta coa proposta definitiva da comisión de selección e a correspondente proposta do director xeral de Educación, Formación Profesional e Innovación Educativa sobre a concesión destes premios,
DISPOÑO:
Primeiro. Conceder os premios aos proxectos de empresa seleccionados no concurso Eduemprende Idea 2015, nas modalidades A e B, que figuran no anexo desta orde.
Segundo. Contra esta orde poderase interpor recurso potestativo de reposición ante o conselleiro de Cultura, Educación e Ordenación Universitaria no prazo dun mes contado a partir do día seguinte ao da data de publicación no Diario Oficial de Galicia, segundo o disposto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, ou ben directamente mediante recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses, segundo prevé o artigo 46 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 22 de outubro de 2015
Román Rodríguez González
Conselleiro de Cultura, Educación e Ordenación Universitaria
ANEXO
|
Mod. |
Proxecto |
Autores |
Centro educativo |
Premio |
Importe |
|
A |
Granxa Intelixente |
Pablo Álvarez Calvo Adrián Firmés Fernández Martín Rego Gerpe Xurxo Pérez Danta |
IES Politécnico de Vigo |
1º |
3.000 € |
|
A |
Inercia 2.0 S.L. |
Adrián Costas Lorenzo Pablo Miguel Sobrino Blanco |
IES 12 de Outubro CIFP A Farixa |
2º |
2.000 € |
|
A |
Eternal 2.0. Un recordo para toda a vida |
Serxio Ith Arias Barros Wendy Carolina Rivera Oropeza |
IES San Clemente |
3º |
1.000 € |
|
B |
Ecosalón, a beleza consciente |
Elisabet Maceira Cabaleiro Alicia Mouzo Martíns Saskia Fungueiriño Mariño |
CIFP Someso |
1º |
3.000 € |
|
B |
Bai Aventura |
David Fontán Rodríguez Marcos Gesteiro Reyes |
IES Terra de Turonio |
2º |
2.000 € |
