A Orde do 26 de xuño de 2015 (DOG do 8 de xullo) estableceu as bases e convocou, en réxime de concorrencia competitiva, as axudas para a creación, recoñecemento e estruturación de agrupacións estratéxicas do Sistema universitario de Galicia para 2015.
Rematada a tramitación establecida na convocatoria, de acordo co establecido no artigo 9 da orde de convocatoria, e atendendo á proposta de resolución elevada polo órgano instrutor a través da Secretaría Xeral de Universidades, esta consellería
RESOLVE:
Primeiro. Concederlles ás universidades do Sistema universitario de Galicia as axudas que a continuación se relacionan (con indicación da persoa coordinadora da agrupación destinataria) para a creación, recoñecemento e estruturación de agrupacións estratéxicas do Sistema universitario de Galicia para o ano 2015, en réxime de concorrencia competitiva, e na contía que se indica en cada caso.
Nº de expediente |
Coordinador da agrupación |
Acrónimo |
Univ. |
2015 |
2016 |
2017 |
Total |
AGRUP2015/02 |
Juan Lema Rodicio |
CITA |
USC |
100.000 € |
250.000 € |
150.000 € |
500.000 € |
AGRUP2015/08 |
Carlos Hervés Beloso |
ECOBAS |
UVIGO |
100.000 € |
250.000 € |
150.000 € |
500.000 € |
AGRUP2015/11 |
Carlos Salgado López |
AEFIS |
USC |
100.000 € |
250.000 € |
150.000 € |
500.000 € |
AGRUP2015/05 |
Jaime Rodríguez González |
CICA-INIBIC |
UDC |
100.000 € |
250.000 € |
150.000 € |
500.000 € |
Segundo. As solicitudes non incluídas na resolución de concesión entenderanse denegadas ou desestimadas.
Terceiro. A subvención será librada á universidade solicitante á cal pertenza a agrupación de investigación, conforme a resolución de concesión e de acordo coa normativa vixente.
As axudas terán como data de inicio o 1 de xaneiro de 2015 e como data límite de finalización o 30 de novembro de 2017, polo que se admitirán gastos e pagamentos dese período.
Para poder proceder ao libramento dos fondos será preciso que a universidade beneficiaria expida, na data límite do 30 de novembro do exercicio correspondente á anualidade de que se trate, a certificación expresiva da realización do gasto e do pagamento acompañada dunha memoria explicativa do logro dos obxectivos da creación, recoñecemento e estruturación de agrupacións estratéxicas. Esta memoria explicativa irá asinada polo coordinador do grupo de investigación xunto cunha certificación das variacións da composición da agrupación, durante a anualidade que xustifica e un informe de auditor inscrito como exercente no Rexistro Oficial de Auditores de Contas, que deberá manifestarse sobre os conceptos, período de realización e pagamentos dos gastos presentados nesa anualidade.
Para poder facer o pagamento da subvención, de conformidade co artigo 31.7 da Lei 9/2007, do 13 de xuño, de subvencións de Galicia, e de conformidade co establecido no artigo 11.e) do Decreto 11/2009, do 8 de xaneiro, polo que se aproba o Regulamento da Lei 9/2007, de subvencións de Galicia, a obriga de presentar a certificación do cumprimento de obrigas coa Administración pública da comunidade autónoma, coa Administración do Estado e coa Seguridade Social, será substituída por unha declaración responsable de cada universidade de estar ao día no cumprimento das obrigas tributarias ou fronte á Seguridade Social e de non ter pendente de pagamento ningunha outra débeda coa Administración.
Segundo o establecido no artigo 45.2 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia, transcorrido o prazo establecido de xustificación sen se ter presentado perante o órgano administrativo competente, este requirirá o beneficiario para que no prazo improrrogable de dez días a presente. A falta de presentación da xustificación comportará a perda do dereito ao cobramento parcial ou total da subvención, a exixencia do reintegro e demais responsabilidades establecidas na Lei de subvencións de Galicia.
Para efectuar o último pagamento, o beneficiario presentará unha declaración complementaria do conxunto das axudas solicitadas, tanto aprobadas ou concedidas como as pendentes de resolución para o mesmo proxecto, das distintas administracións públicas competentes ou dos seus organismos, entes ou sociedades.
Cuarto. O incumprimento por parte dos beneficiarios de calquera das bases establecidas na orde da convocatoria suporá a perda do dereito a percibir a axuda correspondente.
Quinto. Contra esta resolución que esgota a vía administrativa, os interesados poderán interpoñer recurso potestativo de reposición ante o conselleiro de Educación e Ordenación Universitaria no prazo dun mes a partir do día seguinte ao da publicación da resolución no Diario Oficial de Galicia, segundo o disposto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, ou ben directamente recurso contencioso-administrativo no prazo de dous meses perante a Sala do Contencioso-Administrativo do Tribunal Superior de Xustiza de Galicia, de conformidade cos artigos 19 e 46 da Lei 29/1998, do 13 de xullo, da xurisdición contencioso-administrativa.
Disposición derradeira
Esta resolución entrará en vigor o mesmo día da súa publicación no Diario Oficial de Galicia.
Santiago de Compostela, 26 de outubro de 2015
Román Rodríguez González
Conselleiro de Cultura, Educación e Ordenación Universitaria