Eu, Cristina Cao Sánchez, letrada da Administración de Xustiza do Xulgado de Primera Instancia número 6 de Santiago de Compostela, polo presente edicto, anuncio que no presente procedemento de garda, custodia e alimentos seguido por instancia de Salomé Karina Domínguez Taboada fronte a Carlos Eduardo Moreno Rojas ditouse sentenza, cuxa decisión é do teor literal seguinte:

«Decisión:

Que considerando substancialmente a demanda de xuízo verbal presentada pola procuradora Sra. Losada Gómez, en nome e representación de Salomé Karina Domínguez Taboada, asistida do letrado Sr. Lobato Iglesias fronte a Carlos Eduardo Moreno Rojas, maior de idade salientado en autos declarado en rebeldía procesual con intervención do Ministerio Fiscal dada a concorrencia de filla menor de idade habida en común, procede acceder á adopción das seguintes medidas definitivas:

I. Atribución á demandante da garda e custodia sobra a filla menor habida en común sendo a patria potestade compartida por ambos os dous proxenitores, ben que se atribúe á demandante, de xeito preventivo, o exercicio exclusivo da patria potestade en cuestións educativas, médicas e de determinación do domicilio da menor.

II. Suspensión de todo réxime de estancias e comunicación do proxenitor non custodio, en defecto de solicitude de modificación de medidas definitivas polo actual demandado.

III. Pensión de alimentos a cargo do demandando en favor da filla común menor de idade de 250 euros por mes.

IV. Aboamento por metade dos gastos extraordinarios da filla común menor de idade.

Non procede efectuar especial pronunciamento sobre as custas do presente proceso.

Esta resolución non é firme e fronte a esta cabe interpoñer recurso de apelación nos prazos e termos previstos na vixente Lei de axuizamento civil para a súa resolución pola Audiencia Provincial da Coruña (artigos 458 e seguintes e 776 da Lei de axuizamento civil) logo de consignación do depósito de 50 euros previsto na disposición adicional 15ª da LOPX.

Así, por esta a miña sentenza, pronúncioo, mándoo e asínoo, Roberto Soto Sola, maxistrado xuíz titular do Xulgado de Primeira Instancia número 6 desta localidade e o seu partido xudicial.

Publicación. Lida e publicada a anterior resolución en audiencia pública polo xuíz que a ditou, no día da data; dou fe».

E encontrándose o devandito demandado Carlos Eduardo Moreno Rojas, en paradoiro descoñecido, expídese o presente edicto co fin de que sirva de notificación en forma a este.

Santiago de Compostela, 7 de outubro de 2015

O/A secretario/a xudicial