Tipo e número de recurso: recurso de suplicación 2490/2014-EV-A

Xulgado de orixe/autos: Seguridade Social 69/2013. Xulgado do Social número 4 de Vigo

Recorrente: Balbino Ramírez González

Avogada: Patricia Rodríguez Mariño

Recorridos: Servizo Galego de Saúde, Instituto Nacional da Seguridade Social, Granitos do Alba, S.L., Fremap, Mutua de Accidentes de Trabajo y Enfermedades Profesionales

Avogada: María Araceli Martínez de Araújo

Eu, Mª Socorro Bazarra Varela, secretaria xudicial da Sala do Social do Tribunal Superior de Xustiza de Galicia, fago saber que no procedemento de recurso de suplicación 2490/2014 desta sala, seguido por instancia de Balbino Ramírez González sobre accidente, se ditou resolución cuxa parte dispositiva é do teor literal seguinte:

«Resolvemos que desestimando o recurso de suplicación interposto por Balbino Ramírez González contra a sentenza ditada polo Xulgado do Social número 4 de Vigo, en xuízo seguido polo recorrente contra o Instituto Nacional da Seguridade Social, a Mutua Fremap e a empresa Granitos do Alba, S.L., ademais so Servizo Galego de Saúde, a Sala a confirma integramente. Incorpórese o orixinal desta sentenza, pola súa orde, ao libro de sentenzas do Tribunal Superior de Xustiza de Galicia. Sala do Social.

Modo de impugnación. Fáiselles saber ás partes que contra esta sentenza cabe interpor recurso de casación para unificación de doutrina, que se deberá preparar mediante escrito presentado ante esta sala dentro do improrrogable prazo de dez días hábiles inmediatos seguintes ao da data de notificación da sentenza. Se o recorrente non ten a condición de traballador ou beneficiario do réxime público da Seguridade Social, deberá efectuar:

– O depósito de 600 € na conta de 16 díxitos desta sala, aberta no Banco de Santander (Banesto) co nº 1552 0000 37, seguida de catro díxitos correspondentes ao número do recurso e dous díxitos do ano deste.

– Así mesmo, se hai cantidade de condena deberá consignala na mesma conta, pero co código 80 no canto do 37, ou ben presentar aval bancario solidario en forma.

– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo «Observacións ou Concepto da transferencia» os 16 díxitos que corresponden ao procedemento (1552 0000 80 ou 37 **** ++).

Así, por esta a nosa sentenza, pronunciámolo, mandámolo e asinámolo».

Para que sirva de notificación en legal forma a Granitos do Alba, S.L., en ignorado paradoiro, expido este edicto para a súa inserción no Diario Oficial de Galicia.

Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que sexan autos ou sentenzas, ou cando se trate de emprazamento.

A Coruña, 14 de setembro de 2015

A secretaria xudicial