A Xunta de Goberno Local, en sesión que tivo lugar o día 16 de setembro de 2015, aprobou inicialmente o estudo de detalle para a agregación de dúas parcelas e a ordenación de volumetría e estética das unidades edificatorias 140122 e 140123 (Rúa Nova, 52-54) do Plan especial de protección, rehabilitación e reforma interior (PEPRI), solicitado por Sagal Inversiones, S.L.

Conforme o previsto nas disposicións vixentes, sométense á información pública, polo prazo de vinte días, durante o cal poderán ser examinado o expediente no Servizo de Urbanismo deste concello (rolda da Muralla, nº 197) e presentar as reclamacións ou suxestións que se desexen.

Lugo, 24 de setembro de 2015

P.D. (Decreto 15005366)
Xosé Daniel Piñeiro Villares
Tenente alcalde delegado da Área de Desenvolvemento Sostible e Persoal