Na sesión que tivo lugar o 6 de outubro de 2015, o tribunal nomeado pola Orde do 9 de xaneiro de 2015 (DOG núm. 9, do 15 de xaneiro) para cualificar o proceso selectivo para o ingreso no corpo superior da Administración da Xunta de Galicia, subgrupo A1, escala de letrados,

ACORDOU:

Primeiro. Proceder, de conformidade co previsto na base IV.2 da convocatoria, á publicación da relación de aspirantes que superaron o proceso selectivo, por orde das puntuacións acadadas e con indicación do seu documento nacional de identidade. A relación recóllese no anexo desta resolución.

A partir do día seguinte ao da publicación no Diario Oficial de Galicia da relación de aprobadas, estas disporán dun prazo de vinte (20) días naturais para a presentación da documentación prevista na base IV.2 da convocatoria.

Segundo. Elevar a dita relación á persoa titular da Dirección Xeral de Función Pública para que elabore a proposta de nomeamento.

Terceiro. De conformidade co disposto na base III.13 da orde de convocatoria, contra este acordo poderase interpor recurso de alzada ante a conselleira de Facenda nos termos previstos nos artigos 114 e 115 da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 6 de outubro de 2015

María Isabel Novo Castro
Presidenta do Tribunal

ANEXO

Relación de aspirantes que superaron o proceso selectivo para o ingreso no corpo superior da Administración da Xunta de Galicia, subgrupo A1, escala de letrados, convocado pola Orde do 9 de maio de 2014 (DOG núm. 96, do 21 de maio)