Expediente: IN407A 2014/035-1.
Promotor: Unión Fenosa Distribución, S.A.
Instalación: LMTA, CTI e RBTA A Devesa e anexo 1.
Concello: Dodro.
Feitos.
1. O 18 de marzo de 2014 o promotor solicitou a autorización administrativa previa e de construción da instalación eléctrica indicada.
2. Por Resolución do 22 de abril de 2014 someteuse ao trámite de información pública.
3. Por Resolución do 22 de xullo de 2014 concedeuse a autorización administrativa previa e de construción, coas seguintes características técnicas:
– Liña de media tensión aérea a 20 kV, cunha lonxitude de 1,857 km, con orixe no apoio existente s/n da LMT BOI-807, tramo entre derivada a CT Bustelo (expediente 51.326) e CT Teaio (expediente 11.902), condutor tipo LA 56/54,6 mm2, e final no CT A Devesa proxectado.
– Centro de transformación intemperie A Devesa, cunha potencia de 100 kVA e unha relación de transformación de 20.000/400-230 V.
– Liña de baixa tensión aérea con orixe no CT A Devesa proxectado, cunha lonxitude de 0,018 km, en condutor RZ.
4. O 19 de agosto de 2014 o promotor solicitou a declaración de utilidade pública da instalación eléctrica indicada e presenta relación de bens e dereitos afectados.
5. A solicitude de declaración de utilidade pública someteuse ao trámite de información pública mediante resolución publicada nos seguintes medios:
– Resolución información pública: 15.10.2014.
– DOG: 7.11.2014.
– BOP: 28.10.2014.
– Xornal La Voz de Galicia: 11.6.2014.
– Taboleiro de anuncios do concello: do 24.10.2014 ao 17.11.2014.
Ao mesmo tempo realizáronse notificacións individuais aos titulares que figuran na relación de bens e dereitos afectados.
No certificado de exposición pública do concello indícase que non se formularon alegacións.
6. Durante o período en que se someteu ao trámite de información pública foron presentadas as seguintes alegacións.
– Comunidade de Montes Veciñais en Man Común de Cruz de Abelán (CMVMC), que solicita o cambio da traza para que se leve a liña por unha devasa próxima ao trazado proxectado.
Destas alegacións deuse traslado ao promotor, que contestou que, segundo o Real decreto 223/2008, do 15 de febreiro, o punto 1.5.1 da instrución técnica complementaria ITC-LAT 07, liñas aéreas con condutores nus, establece que as liñas eléctricas aéreas se estudarán seguindo o trazado que considere máis conveniente o autor do proxecto.
O 12 de febreiro de 2015 requírese ao promotor orzamento da alternativa proposta polos alegantes, así como separata do proxecto para a Consellería do Medio Rural.
O 2 de marzo de 2015 a CMVMC de Cruz de Abelán presenta unha aclaración á alegación presentada por detectar un erro na traza proposta.
Desta aclaración dáse traslado ao promotor que, dando resposta, presenta o anexo 1 ao proxecto, no cal se cambia a traza da liña, quedando coas seguintes características técnicas:
– Liña de media tensión aérea a 20 kV, cunha lonxitude de 1,863 km, coa orixe no apoio existente s/n da LMT BOI-807, tramo entre derivada a CT Bustelo (expediente 51.326) e CT Teaio (expediente 11.902), condutor tipo LA 56/54,6 mm2, e final no CT A Devesa proxectado.
– Centro de transformación intemperie A Devesa, cunha potencia de 100 kVA e unha relación de transformación de 20.000/400-230 V.
– Liña de baixa tensión aérea coa orixe no CT A Devesa proxectado, cunha lonxitude de 0,018 km, en condutor RZ.
7. Solicitouse o preceptivo informe aos seguintes organismos:
– Concello de Dodro: consta informe favorable aceptado polo promotor.
– Augas de Galicia: consta informe favorable aceptado polo promotor.
– Servizo de Montes: consta informe en que indica que a utilidade pública da execución do proxecto sería compatible co fin e a utilidade pública que cualifica o monte veciñal en man común, que é aceptado polo promotor.
8. Os servizos técnicos da xefatura territorial emitiron informe favorable sobre a dita solicitude.
Consideracións legais e técnicas.
1. Lexislación de aplicación:
– Lei 30/1992, do 26 de novembro, de réxime xurídico das administracións públicas e do procedemento administrativo común (BOE núm. 285, do 27 de novembro), modificada pola Lei 4/1999, do 13 de xaneiro (BOE núm. 16, do 19 de xaneiro, e BOE núm. 30, do 4 de febreiro).
– Lei 24/2013, do 26 de decembro, do sector eléctrico (BOE núm. 310, do 27 de decembro).
– Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).
– Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-LAT 01 a 09 (BOE núm. 68, do 19 de marzo).
– Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23 (BOE núm. 139, do 9 de xuño).
– Real decreto 842/2002, do 2 de agosto, polo que se aproba o Regulamento electrotécnico para baixa tensión (BOE núm. 224, do 18 de setembro).
– Real decreto 2563/1982, do 24 de xullo, sobre traspaso de funcións e servizos da Administración do Estado á Comunidade Autónoma de Galicia en materia de industria, enerxía e minas (BOE núm. 246, do 14 de outubro).
– Decreto 36/2001, do 25 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia (DOG núm. 34, do 16 de febreiro).
– Decreto 235/2012, do 5 de decembro, que fixa a estrutura orgánica da Vicepresidencia e das consellerías da Xunta de Galicia (DOG núm. 233, do 7 de decembro).
– Decreto 110/2013, do 4 de xullo, polo que se establece a estrutura orgánica da Consellería de Economía e Industria (DOG núm. 140, do 24 de xullo), modificado polo Decreto 116/2014, do 11 de setembro (DOG núm. 183, do 25 de setembro).
– Lei do 16 de decembro de 1954, sobre expropiación forzosa (BOE núm. 351, do 17 de decembro).
– Decreto do 26 de abril de 1957 polo que se aproba o Regulamento da Lei de expropiación forzosa (BOE núm. 160, do 20 de xuño).
2. Na visita de campo realizada para examinar a localización das instalacións, non se apreciou, nas leiras sometidas a expropiación, ningunha das limitacións á constitución da servidume indicadas no artigo 58.a) da Lei 24/2013, do 26 de decembro, do sector eléctrico.
De acordo con todo o indicado, resolvo:
1. Conceder a autorización administrativa de construción e a declaración de utilidade pública das instalacións eléctricas reflectidas no proxecto e no anexo 1.
2. A instalación executarase no prazo dun ano, contado a partir da data de ocupación dos terreos.
A declaración de utilidade pública leva implícita a necesidade de ocupación dos bens e de adquisición dos dereitos afectados, e implicará a urxente ocupación para os efectos do artigo 52 da Lei de expropiación forzosa.
3. Para a posta en funcionamento da instalación autorizada, deberase presentar ante esta xefatura territorial unha solicitude que se acompañará da seguinte documentación:
– As declaracións de conformidade relativas ao material ou equipo e as certificacións ou homologacións, se procede.
– Un certificado do director da montaxe en que se garantirá o cumprimento das especificacións do proxecto e prescricións complementarias, se as houber, así como das regulamentacións e normas oportunas para a montaxe da instalación e posta a punto.
4. Esta autorización outórgase sen prexuízo doutras que sexan de aplicación segundo a lexislación vixente, en especial a relativa á ordenación do territorio e ao ambiente.
Contra esta resolución, que non é definitiva en vía administrativa, poderá interporse recurso de alzada ante o conselleiro de Economía e Industria, no prazo dun mes, contado a partir do día seguinte ao da notificación ou publicación nos termos establecidos na Lei 30/1992, do 26 de novembro, de réxime xurídico das administracións públicas e do procedemento administrativo común (BOE núm. 285, do 27 de novembro), modificada pola Lei 4/1999, do 13 de xaneiro (BOE núm. 10, do 14 de xaneiro), sen prexuízo de que os interesados poidan interpor calquera outro recurso que consideren pertinente.
A Coruña, 15 de setembro de 2015
Isidoro Martínez Arca
Xefe territorial da Coruña