De conformidade co disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE núm. 285, do 27 de novembro), logo de ser intentada sen éxito a notificación persoal a través do servizo de Correos, notifícase á entidade interesada o contido da resolución que figura no anexo.
A eficacia do acto queda supeditada á súa publicación no taboleiro de edictos único do Boletín Oficial del Estado (TEU do BOE).
Esta resolución pon fin á vía administrativa e contra ela cabe formular recurso contencioso-administrativo ante a sala do contencioso-administrativo do Tribunal Superior de Xustiza de Galicia no prazo de dous (2) meses, que se contarán desde o día seguinte ao da súa publicación no Boletín Oficial del Estado. Así mesmo, con anterioridade e con carácter potestativo, poderá interpoñerse ante esta Secretaría Xeral da Igualdade recurso de reposición no prazo dun (1) mes, que se contará desde o día seguinte ao desta publicación. Todo iso de conformidade co establecido na Lei 29/1998, do 13 de xullo, reguladora da xurisdición contencioso-administrativa, e na Lei 30/1992, do 26 de novembro, de réxime xurídico das administracións públicas e do procedemento administrativo común.
Santiago de Compostela, 9 de setembro de 2015
Susana López Abella
Secretaria xeral da Igualdade
ANEXO
Expediente: SI427A 2011/5-0.
Entidade interesada: Federación de Autónomos de Galicia.
CIF: V15440639.
Último enderezo coñecido: rúa Alcalde Suárez Ferrín, 15, soto 2, local 1, 15011 A Coruña.
Contido da resolución: acordo da procedencia de reintegro parcial da axuda.
Feito que motiva o reintegro parcial: Resolución do 6 de agosto de 2014, da secretaria xeral da Igualdade, pola que se minora o importe da axuda concedida, notificada o 21.8.2014.