En virtude do disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, e no uso da competencia atribuída á Xefatura Territorial da Consellería de Traballo e Benestar da Coruña, intentada a notificación sen que esta se puidese practicar, notifícaselle á interesada o contido da resolución que figura como anexo, para que poida ter coñecemento del.

Esta resolución pon fin á vía administrativa e contra ela a interesada pode interpoñer recurso contencioso-administrativo no prazo de dous meses, que comezará a contar a partir do día seguinte ao da publicación deste anuncio no Boletín Oficial del Estado, ante o órgano competente da xurisdición contencioso-administrativa. Así mesmo, con anterioridade e con carácter potestativo, poderá interpoñer recurso de reposición no prazo dun mes, que comezará a contar a partir do día seguinte ao desta publicación, ante esta xefatura territorial. Todo isto de conformidade co establecido na Lei 29/1998, do 13 de xullo, reguladora da xurisdición contencioso-administrativa, e na Lei 30/1992, do 26 de novembro, de réxime xurídico das administracións públicas e do procedemento administrativo común.

Lémbraselle tamén o seu dereito a consultar o expediente, depositado nas dependencias desta xefatura territorial da Consellería de Traballo e Benestar da Coruña (avenida de Salvador de Madariaga, nº 9, 1º andar), para ter coñecemento do contido daquela, no prazo dun mes que comezará a contar a partir do día seguinte ao da publicación deste anuncio no Boletín Oficial del Estado, advertíndolle que, de non se facer así, se terá por notificada cos efectos que correspondan.

A Coruña, 1 de setembro de 2015

Mª Pilar Caridad Alonso
Xefa territorial da Coruña

ANEXO

Nº de expediente: TR348B 2011/401-1.

Nome ou razón social: Área 2015, S.L.

Último enderezo coñecido: rúa José González Dopeso, 1 B, 15009 A Coruña.

Feitos imputados: non manter no seu cadro de persoal fixo as persoas traballadoras contratadas ao abeiro deste programa durante un período mínimo de tres (3) anos.

Preceptos infrinxidos: base sétima, punto 1, do anexo B da orde de convocatoria.

Contido da resolución: acordo da procedencia de reintegro parcial.