EPA execución parcial 186/2015
Procedemento orixe: despedimento obxectivo individual 946/2014
Sobre despedimento
Demandante: José Lorenzo Martis Santamaría
Graduada social: Matilde Mallo Nieves
Demandados: Limpiezas Secope, S.A., Trabajos, Obras y Servicios Urbanos, S.L.
Susana Varela Amboage, secretaria xudicial do Xulgado do Social número 3 de Santiago de Compostela, fago saber:
Que no procedemento de execución parcial número 186/15 deste xulgado do social, seguido por instancia de José Lorenzo Martis Santamaría, contra a empresa Limpiezas Secope, S.A., e Trabajos, Obras y Servicios Urbanos, S.L., sobre reclamación de cantidade, foron ditados auto e decreto no 11 de agosto de 2015, cuxa parte dispositiva é do teor literal seguinte:
Parte dispositiva do auto:
«Parte dispositiva
Dispoño despachar orde xeral de execución parcial a favor da parte executante, José Lorenzo Martis Santamaría, contra Limpiezas Secope, S.A., Trabajos, Obras y Servicios Urbanos, S.L., parte executada, en forma solidaria, polo importe de 21.637,25 euros de principal (20.907,25 € indemnización + 730 € aviso previo), máis 2.163,72 euros que se fixan provisoriamente en concepto de xuros que, se é o caso, poidan producirse durante a execución e as custas desta, sen prexuízo da súa posterior liquidación.
O presente auto, xunto co decreto que ditará a secretaria xudicial e copia da demanda executiva, serán notificados simultaneamente á parte executada, tal e como dispón o artigo 553 da LAC, co cal a executada fica apercibida para os efectos mencionados nos razoamentos xurídicos terceiro e cuarto desta resolución, e conforme dispoñen os artigos 251.2 e 239.3 da LXS.
Contra este auto poderá interporse recurso de reposición ante este órgano xudicial, no prazo dos tres días hábiles seguintes á súa notificación, no cal, ademais de alegar as posibles infraccións en que incorreu a resolución e o cumprimento ou incumprimento dos presupostos e requisitos procesuais exixidos, poderá deducirse a oposición á execución despachada, aducindo pagamento ou cumprimento documentalmente xustificado, prescrición da acción executiva ou outros feitos impeditivos, extintivos ou excluíntes da responsabilidade que se pretenda executar, sempre que tiveren acontecido con posterioridade á constitución do título, sen que a compensación de débedas sexa admisible como causa de oposición á execución.
Se o recorrente non tiver a condición de traballador ou beneficiario do réxime público de seguridade social, deberá consignar a cantidade de 25 euros, en concepto de depósito para recorrer, na conta de consignacións deste Xulgado do Social número 3 aberta no Banco Santander, conta nº 5076 0000 64 0186 15. Se o ingreso se fixer mediante transferencia bancaria, deberá ingresarse na conta número 000493569920005001274, e no campo “concepto” deberase indicar o número de conta “5076 0000 64 0186 15”. Se efectuar diversos pagamentos na mesma conta, deberá especificar un ingreso por cada concepto, mesmo se obedecen a outros recursos da mesma ou distinta clase, indicando no campo de observacións a data da resolución impugnada no formato dd/mm/aaaa. Quedan exentos do seu aboamento, en todo caso, o Ministerio Fiscal, o Estado, as comunidades autónomas, as entidades locais e os organismos autónomos dependentes deles.
Así o acorda e asina SSª. Dou fe.
O/a maxistrado/a xuíz/a O/a secretario/a xudicial»
E a parte dispositiva do decreto:
«Parte dispositiva
A fin de dar efectividade ás medidas concretas solicitadas, acordo:
– Requirir de pagamento a Trabajos, Obras y Servicios Urbanos, S.L., pola cantidade reclamada en concepto de principal e xuros percibidos, se é o caso, até a data da demanda, e, se non pagar no prazo de dez días, ingresándoo na conta deste xulgado, aberta no Banco Santander co número 5076 0000 64 0186 15, procederase ao embargo dos seus bens na medida suficiente para responder pola cantidade por que se despachou a execución máis as custas desta.
– Requirir a Trabajos, Obras y Servicios Urbanos, S.L., para que no prazo de dez días manifeste relacionadamente bens e dereitos bastantes para cubrir a contía da execución, con expresión, se é o caso, das cargas e gravames, así como, no caso de inmobles, se están ocupados, por que persoas e con que título, baixo apercibimento de que, en caso de non o verificar, poderá ser sancionado, cando menos, por desobediencia grave, en caso de que non presente a relación dos seus bens, inclúa nela bens que non sexan seus, exclúa bens propios susceptibles de embargo ou non desvele as cargas e gravames que sobre eles pesaren, e poderán impórselle tamén multas coercitivas periódicas.
– Únese testemuño da insolvencia declarada na execución seguida neste xulgado co número 75/15, na cal se declara a insolvencia de Limpiezas Secope, S.A., para os efectos oportunos.
Notifíquese ás partes e fágaselles saber que en aplicación do mandado contido no artigo 53.2 da LXS, no primeiro escrito ou comparecencia ante o órgano xudicial, as partes ou interesados e, se for o caso, os profesionais designados, sinalarán un domicilio e datos completos para a práctica de actos de comunicación. O domicilio e os datos de localización facilitados con tal fin producirán plenos efectos e as notificacións neles intentadas sen efecto serán válidas en canto non sexan facilitados outros datos alternativos, sendo carga procesual das partes e dos seus representantes mantelos actualizados. Así mesmo, deberán comunicar os cambios relativos ao seu número de teléfono, fax, enderezo electrónico ou semellante, sempre que estes últimos estean a ser utilizados como instrumentos de comunicación co tribunal.
Modo de impugnación: contra a presente resolución cabe recurso directo de revisión, que deberá interporse ante o presente órgano xudicial no prazo de tres días hábiles. Se o recorrente non tiver a condición de traballador ou beneficiario do réxime público de seguridade social, deberá consignar a cantidade de 25 euros, en concepto de depósito para recorrer, na conta de consignacións deste Xulgado do social número 3 aberta no Banco Santander, conta nº 5076 0000 64 0186 15. Se o ingreso se fixer mediante transferencia bancaria, deberá ingresarse na conta número 000493569920005001274, e no campo “concepto” deberse indicar o número de conta “5076 0000 64 0186 15”. Se efectuar diversos pagamentos na mesma conta, deberá especificar un ingreso por cada concepto, mesmo se obedecen a outros recursos da mesma ou distinta clase, indicando no campo de observacións a data da resolución impugnada co formato dd/mm/aaaa. Quedan exentos do seu aboamento, en todo caso, o Ministerio Fiscal, o Estado, as comunidades autónomas, as entidades locais e os organismos autónomos dependentes deles.
Así o acorda e asina SSª. Dou fe.
O/a secretario/a xudicial»
Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial.
E para que sirva de notificación a Limpiezas Secope, S.A., e Trabajos, Obras y Servicios Urbanos, S.L., expido este edicto.
Santiago de Compostela, 11 de agosto de 2015
A secretaria xudicial