Para os efectos previstos na Lei 24/2013, do 26 de decembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:
Solicitante: Iberdrola Generación, S.A.U.
Domicilio social: rúa Circunvalación, nº 17, 32350 A Rúa.
Denominación: reforma sistema 20 kV estación bombeo CH Ponte Bibei.
Situación: A Pobra de Trives (Ourense).
Características técnicas: instalación de dúas celas blindadas de media tensión, prefabricadas baixo envolvente metálica con illamento en aire, asociadas unha á posición de chegada de liña (cela de remonte) e a outra á de acometida ao transformador de potencia -TEB- (cela con interruptor extraíble), coa correspondente modificación das liñas eléctricas de acometidas, lonxitude 10 m, con condutor modelo Eprotenax DHV de 70 mm2 de sección.
Localización: estación de bombeo da central hidráulica de Ponte Bibei, p.q. 8 da estrada OU-636, na marxe esquerda do río Bibei.
Concello: A Pobra de Trives.
Todas aquelas persoas ou entidades que se consideren afectadas poderán presentar as súas alegacións nesta xefatura territorial; r/ Curros Enríquez, 1-4º, no prazo de vinte (20) días. Así mesmo, e durante o mencionado prazo, tamén se poderá examinar o proxecto da instalación.
Ourense, 10 de xullo de 2015
P.S.L. (Decreto 110/2013, do 4 de xullo)
María Dolores Pérez Ayuso
Xefa do Servizo de Enerxía e Minas