Unha vez recibido o informe-proposta motivado da Secretaría Xeral Técnica e do Patrimonio da Consellería de Facenda, formulado mediante escrito do 31 de xullo de 2015, e de conformidade co establecido nas bases da convocatoria, o tribunal nomeado pola Orde do 16 de abril de 2014 (DOG número 81, do 29 de abril), en sesión que tivo lugar o día 7 de agosto de 2015,

ACORDOU:

Primeiro. Declarar aptos/as a todos/as os/as participantes nomeados/as funcionarios/as en prácticas en virtude da Orde do 21 de abril de 2015 da Consellería de Facenda (DOG número 78, do 27 de abril).

A orde de prelación, que se recolle no anexo desta resolución, establécese de acordo coa puntuación obtida no proceso selectivo para o ingreso no corpo superior da Administración da Xunta de Galicia, subgrupo A1, escala superior de finanzas, convocado pola Orde do 16 de xullo de 2013 (DOG número 140, do 24 de xullo).

Segundo. Propoñer os/as participantes relacionados no anexo a que se refire o punto primeiro desta resolución para o seu nomeamento como funcionarios/as de carreira, de conformidade co disposto na normativa vixente.

Terceiro. De conformidade co disposto na base IV.13 da convocatoria, contra este acordo poderá interpoñerse recurso de alzada no prazo dun mes, contado desde o día seguinte ao da publicación desta resolución no Diario Oficial de Galicia, nos termos previstos no artigo 114 e seguintes da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 7 de agosto de 2015

Silvia Alfaya Portela
Presidenta do tribunal

ANEXO