Tipo e número de recurso: recurso de suplicación 293/2014

Xulgado de orixe/autos: p. oficio autoridade laboral 514/2013 Xulgado do Social número 1 de Vigo

M. Asunción Barrio Calle, secretaria xudicial da Sección Primeira da Sala Segunda do Social do Tribunal Superior de Xustiza de Galicia, fai saber que no procedemento de recurso de suplicación 293/2014 MCR desta Sección, seguido por instancia da Inspección de Traballo e Seguridade Social-A Coruña contra Leonice Oliveira Conceiçao da Silva, Eleonora Alina Constantin e Exclusivas Torrado Montero, S.L. sobre outros dereitos laborais, se ditou resolución cuxa parte dispositiva é do teor literal seguinte:

«Que estimando o recurso de suplicación interposto pola representación procesual da Avogacía do Estado contra a sentenza do 24 de outubro de 2013, ditada polo Xulgado do Social número 1 de Vigo, en autos 514/2013, revogamos a sentenza impugnada, declarando a existencia de relación laboral entre Eleonora Alina Constantin, Leonice Oliveira Conceiçao da Silva e a empresa Exclusivas Torrado Montero, S.L., condenando os demandados a se ater á anterior declaración.

Incorpórese o orixinal desta sentenza, pola súa orde, ao libro de sentenzas desta Sala do Social do Tribunal Superior de Xustiza de Galicia.

Modo de impugnación: fáiselles saber ás partes que contra esta sentenza cabe interpor recurso de casación para unificación de doutrina, que se debe preparar mediante escrito presentado ante esta Sala dentro do improrrogable prazo de dez días hábiles inmediatos seguintes á data da notificación da sentenza. Se o recorrente non ten a condición de traballador ou beneficiario do réxime público de seguridade social, deberá efectuar:

– O depósito de 600 € na conta de 16 díxitos desta Sala, aberta no Banco de Santander (Banesto) co número 1552 0000 37, seguida de 4 díxitos correspondentes ao número do recurso e 2 díxitos do ano.

– Así mesmo, se hai cantidade de condena, deberá consignala na mesma conta, pero co código 80 en vez do 37 ou ben presentar aval bancario solidario en forma.

– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de 20 díxitos 0049 3569 92 0005001274 e facer constar no campo “Observacións ou Concepto da transferencia” os 16 díxitos que corresponden ao procedemento (1552 0000 80 ou 37 **** ++).

Así, por esta nosa sentenza, pronunciámolo, mandámolo e asinámolo».

E para que sirva de notificación en legal forma a Leonice Oliveira Conceiçao e Eleonora Alina Constantin, en ignorado paradoiro, expido este edicto para a súa inserción no Diario Oficial de Galicia.

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas, ou cando se trate de emprazamento.

A Coruña, 15 de xullo de 2015

A secretaria xudicial