Intentada a notificación por correo certificado ao titular da empresa que se indica a continuación, sen que se puidese practicar, mediante esta cédula notifícaselle o inicio do trámite de audiencia, de conformidade cos artigos 59.5 e 61 da Lei 30/1992, de réxime xurídico das administración públicas e do procedemento administrativo común (LRXAP e PAC).
A notificación farase ao mesmo tempo e preceptivamente por medio dun anuncio no Boletín Oficial del Estado.
Dispón dun prazo de oito días, a partir do día seguinte ao da súa publicación no BOE, durante o cal poderá exercer o dereito de audiencia do expediente mediante comparecencia nas dependencias desta xefatura territorial na rúa Salvador de Madariaga, 9-1º (Centro Comercial Elviña) na Coruña, das 9.00 ás 14.00 horas, para coñecer o contido íntegro do expediente.
Realizado o trámite de audiencia, o suxeito responsable poderá formular novas alegacións polo prazo doutros tres días, despois dos cales o expediente quedará visto para a proposta de resolución, de conformidade co artigo 18.4 do Real decreto 928/1998, do 14 de maio.
Expediente: RL 2009/510-1.
Acta inf.: I152009000136335.
Empresa: Escotego, S.L.
NIF: B15585078.
Enderezo: rúa Linares Rivas, 57, baixo, 15005 A Coruña.
Materia: seguridade e hixiene.
Normativa infrinxida: anexo IV parte C, 3.a) e b) do Real decreto 1627/1997, do 24 de outubro, polo que se establecen as disposicións mínimas de seguridade e saúde nas obras de construción.
Tipificación: artigos 5.2 e 12.16.f) do Real decreto lexislativo 5/2000, do 4 de agosto, polo cal se aproba o texto refundido da Lei sobre infraccións e sancións na orde social.
Proposta de sanción: 12.000 €.
Documentos que constan no expediente:
– Acta de infracción.
– Xustificantes das notificacións.
– Alegacións da empresa.
– Informe da Inspección de Traballo e Seguridade Social.
A Coruña, 14 de xullo de 2015
Mª Pilar Caridad Alonso
Xefa territorial da Coruña