Sandra Rosa Pérez Gómez, secretaria xudicial do Xulgado do Mercantil número 2 da Coruña, por este edicto, anuncio:

Neste procedemento ordinario 296/2014, seguido por instancia de Hormigones Laracha, S.L. contra Juan Pablo López Sande, se ditou sentenza cuxo teor literal é o seguinte:

Sentenza nº 69/2015.

Na Coruña o 22 de abril de 2015.

Vistos por Nuria Fachal Noguer, maxistrada xuíza en funcións de reforzo do Xulgado Mercantil número 2 da Coruña, os autos do xuízo ordinario 296/2014-R, sobre reclamación ao administrador por débedas sociais, no cal son partes a demandante Hormigones Laracha, S.L., asistida polo letrado Sr. Sánchez Goñi e representada polo procurador Sr. Sanzo Ferreiro, e o demandado, Juan Pablo López Sande, en situación procesual de rebeldía.

Resolvo estimando parcialmente a demanda interposta por Hormigones Laracha, S.L., asistida polo letrado Sr. Sánchez Goñi e representada polo procurador Sr. Sanzo Ferreiro, contra o demandado, Juan Pablo López Sande, en situación procesual, debo condenar e condeno o demandado a aboar a suma de 6.262,31 euros máis os xuros legais desde a data da interpelación xudicial (27 de xuño de 2014) e ata a data da sentenza, en que será de aplicación o establecido no artigo 576 da Lei de axuizamento civil (LAC).

Todo isto sen imposición de custas a ningunha das partes.

Notifíqueselles esta resolución ás partes.

Esta resolución non é firme e contra ela cabe recurso de apelación que se deberá interpor neste xulgado no prazo de vinte días contados desde o seguinte ao da súa notificación.

Encontrándose o dito demandado, Juan Pablo López Sande, en paradoiro descoñecido, expídese este edicto co fin de que lle sirva de notificación en forma.

A Coruña, 8 de xuño de 2015

A secretaria xudicial