Encarnación Mercedes Tubío Lariño, secretaria do Xulgado do Social número 4 da Coruña, dou fe e certifico que neste xulgado se seguen autos número 1054/2012 por instancia de Celestino Roel Bao e Ramón Varela Cancela contra as empresas Consultoras de Anclajes y Sondeos Especiales, S.L. e Tracim, S.L. (desistida) e o Fondo de Garantía Salarial, sobre cantidade, nos cales se ditou sentenza en data 29 de xuño de 2015, que copiada nos particulares necesarios di así:
Decisión:
Estímase a demanda formulada por Celestino Roel Bao e Ramón Varela Cancela fronte ás empresas Consultoras de Anclajes y Sondeos Especiales, S.L. e Tracim, S.L. (desistida), con intervención do Fondo de Garantía Salarial e, en consecuencia:
– Condénase a empresa Consultoras de Anclajes y Sondeos Especiales, S.L. a aboarlles aos demandantes as seguintes cantidades:
• A Celestino Roel Bao a cantidade de quince mil setenta e cinco euros con corenta e tres céntimos (15.075,43 euros).
• A Ramón Varela Cancela a cantidade de quince mil setenta e cinco euros con corenta e tres céntimos (15.075,43 euros).
Notifíqueselles a resolución ás partes.
Contra esta resolución cabe recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución, e abondará a manifestación da parte ou do seu avogado, graduado social colexiado ou representante dentro do indicado prazo.
Se o recorrente non goza do beneficio de xustiza gratuíta deberá, ao tempo de anunciar o recurso ter consignado a cantidade obxecto de condena, así como o depósito de 300 euros, na conta de depósitos e consignacións que ten aberta este xulgado, facendo constar no ingreso o número de procedemento.
Así o acorda, manda e asina Nicolás E. Pita Lloveres, maxistrado do Xulgado do Social número 4 da Coruña.
E para que conste, para os efectos da súa publicación no Diario Oficial de Galicia co fin de que lle sirva de notificación en forma ás empresas Consultoras de Anclajes y Sondeos Especiales, S.L. e Tracim, S.L., expido e asino este edicto.
A Coruña, 6 de xullo de 2015
A secretaria xudicial