Aprobado inicialmente polo Pleno deste concello o proxecto de sectorización de solo apto para urbanizar de uso industrial, en Portaprado, deste termo, en sesión extraordinaria celebrada o día 10 de xullo de 2015, de conformidade co disposto na Lei 2/2010, do 25 de marzo, de medidas urxentes de modificación da Lei 9/2002, do 30 de decembro, de ordenación urbanística e protección do medio rural de Galicia, sométese o expediente a información pública na Secretaría Municipal, durante o prazo dun mes, contado desde o día seguinte ao da publicación deste anuncio no Diario Oficial de Galicia, co fin de que os interesados poidan presentar as alegacións e reclamacións que coiden oportunas.

Carballeda de Avia, 13 de xullo de 2015

Daniel González Doval
Alcalde en funcións