De conformidade coa proposta elevada polo tribunal cualificador das probas selectivas convocadas pola Resolución do 3 de decembro de 2013 (Diario Oficial de Galicia do 17 de decembro) para cubrir dúas prazas da categoría profesional técnico de grao medio de teleformación (e-learning), grupo II, unha vez comprobado que a persoa seleccionada reúne os requisitos exixidos na base 2 da convocatoria e de conformidade co disposto no artigo 85 j) dos estatutos da USC,
resolvo:
Primeiro. Aprobar a proposta feita polo tribunal cualificador e contratar como persoal laboral fixo na categoría técnico de grao medio de teleformación (e-learning), o aspirante que superou o proceso selectivo pola quenda de acceso libre e que se relaciona no anexo desta resolución.
Segundo. Declarar deserta unha das prazas convocadas que, de conformidade coa base l da convocatoria, foi ofertada sucesivamente, á quenda de promoción interna e á de acceso libre, sen que ningunha persoa aspirante superase o proceso selectivo.
Terceiro. A persoa seleccionada formalizará o seu contrato no Servizo de Xestión de Persoal, situado na Casa da Balconada (Rúa Nova, nº 6, Santiago de Compostela) no prazo dun mes, contado a partir do día seguinte ao da publicación desta resolución no Diario Oficial de Galicia.
Contra a presente resolución, que esgota a vía administrativa, poderase interpoñer recurso contencioso-administrativo ante o Xulgado do Contencioso-Administrativo de Santiago de Compostela, no prazo de dous meses contados desde o día seguinte ao da súa publicación, de conformidade co disposto na Lei 29/1998, do 13 de xullo, reguladora da xurisdición contencioso-administrativa.
Non obstante, as persoas interesadas poderán interpoñer un recurso potestativo de reposición no prazo dun mes ante o órgano que a ditou. Neste caso non se poderá interpoñer o recurso contencioso-administrativo antedito mentres non recaia resolución expresa ou presunta do recurso administrativo de reposición, ao abeiro dos artigos 116 e seguintes da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
Santiago de Compostela, 8 de xullo de 2015
Juan M. Viaño Rey
Reitor da Universidade de Santiago de Compostela
ANEXO
Categoría profesional: técnico de grao medio de teleformación (e-learning)
Quenda de acceso libre
Número de orde |
DNI |
Apelidos e nome |
1 |
44841411J |
Nieto Lareo, Alejandro Manuel |