Perante este xurado provincial de montes veciñais en man común tramítase o expediente de clasificación do monte coas seguintes características:
Expediente: 2/2015.
Denominación: de Penaboa (ampliación).
Comunidade propietaria: veciños/as do lugar de Penaboa.
Parroquia: Furco.
Concello: Carballedo.
Superficie: 14,55 hectáreas.
Estremas:
Norte: polígono 148, parcela 97.
Leste: polígono 1, parcelas 35, 36, 50, 9, 8, 7, 6, 5, 11, 22 e 23.
Sur: polígono 1, parcelas 24, 25, 26, 27, 28, 29, 30 e 31.
Oeste: polígono 1, parcela 1 (MVMC de Penaboa).
Enclaves: polígono 1, parcelas 2, 3 e 4.
En virtude do acordado polo xurado na sesión do 26 de febreiro de 2015 e en cumprimento da orde do instrutor, conforme o disposto na Lei 13/1989, do 10 de outubro de 1989, de montes veciñais en man común (MVMC), por este anuncio faise pública a iniciación do expediente para a posible clasificación do monte indicado.
De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícase a aquelas persoas, organismos ou corporacións que resulten interesadas a posibilidade de compareceren e interviren no expediente iniciado e formularen, no prazo dun mes contado desde o día seguinte ao da publicación deste anuncio no Boletín Oficial del Estado (BOE) cantas alegacións coiden oportunas en defensa dos dereitos que crean que os asisten e de achegaren, de ser o caso, a documentación que consideren conveniente ao respecto.
Así mesmo, este anuncio publicarase no Diario Oficial de Galicia de acordo co establecido no artigo 23 do Decreto 260/1992, do 4 de setembro, para a execución da Lei de MVMC, ben que a eficacia do acto notificado quedará supeditada á súa publicación no BOE.
Lugo, 16 de xuño de 2015
José Ramón Losada Fernández
Presidente do Xurado Provincial de Clasificación de Montes
Veciñais en Man Común de Lugo