Advertidos erros no anexo-A desta orde, publicada no Diario Oficial de Galicia núm. 111, do luns 15 de xuño de 2015, cómpre facer as seguintes correccións:

Na páxina 23436, no número 4.1 da base 2ª: Procedemento BS324B, onde di: «A puntuación máxima por proxecto será de 90 puntos. Para poder optar ás axudas propostas, os proxectos deberán obter un mínimo de 45 puntos», debe dicir: «A puntuación máxima por proxecto será de 90 puntos».

E na páxina 23446, no número 4.1 da base 3ª: Procedemento BS324C, onde di: «A puntuación máxima por proxecto será de 100 puntos, sen prexuízo do previsto para as solicitudes conxuntas presentadas ao abeiro do acordo do Consello da Xunta, do 28 de febreiro, polo que se determinan os criterios aplicables ás axudas e subvencións destinadas ás entidades locais da Comunidade Autónoma de Galicia para primar proxectos de xestión compartida e incentivar procesos de fusión municipal.

Para poder optar ás axudas propostas, os proxectos deberán obter un mínimo de 50 puntos», debe dicir: «A puntuación máxima por proxecto será de 100 puntos, sen prexuízo do previsto para as solicitudes conxuntas presentadas ao abeiro do acordo do Consello da Xunta, do 28 de febreiro, polo que se determinan os criterios aplicables ás axudas e subvencións destinadas ás entidades locais da Comunidade Autónoma de Galicia para primar proxectos de xestión compartida e incentivar procesos de fusión municipal».