Por acordo do Pleno do Concello, en sesión ordinaria do 27 de abril de 2015, aprobouse definitivamente o Plan especial de protección e integración paisaxística de actuación na ordenanza N-3 de predios singulares (Fonte de Meire), no lugar de Pousada de Abaixo na parroquia de Vedra, neste termo municipal, nos termos do expediente tramitado, o que se publica para os efectos do artigo 92.2 da Lei 9/2002, do 30 de decembro, de ordenación urbanística e protección do medio rural de Galicia.

En cumprimento do disposto no artigo 92.3 da mencionada Lei 9/2002, do 30 de decembro, remitíronse á consellería competente en materia de urbanismo e ordenación do territorio dous exemplares do Plan especial de protección e integración paisaxística aprobado definitivamente con todos os planos e documentos que o integran, debidamente dilixenciados polo secretario do concello.

Así mesmo, de acordo co sinalado no artigo 92.2 da citada lei, publicarase no BOP da Coruña o documento que contén a normativa e as ordenanzas.

Contra o acordo de aprobación definitiva, en aplicación do artigo 107.3 da Lei 30/1992, do 26 de novembro, de réxime xurídico das administracións públicas e do procedemento administrativo común, poderá interpoñerse recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde a publicación deste anuncio, de conformidade co artigo 46 da Lei 29/1998, do 13 de xullo, da xurisdición contencioso-administrativa. Todo elo sen prexuízo de que se poida interpoñer calquera outro recurso que se considere máis conveniente.

Vedra, 11 de maio de 2015

Carlos Matínez Carrillo
Alcalde