Eu, Mariña García de Evan, secretaria xudicial do Xulgado do Social número 4 de Pontevedra, fago saber que no procedemento de despedimento/cesamentos en xeral 252/2015 deste xulgado do social, seguidos por instancia de Rosa María Argibay Piay contra a empresa Perfecto Cordo Fernández, sobre despedimento, se ditou a seguinte resolución, cuxa parte dispositiva dispón:

Acordo:

– Admitir a trámite a demanda presentada e, en consecuencia:

– Citar as partes para que comparezan o día 9.6.2015 ás 10.35 horas, para a realización do acto de conciliación ante o/a secretario/a xudicial e, unha vez intentada, e en caso de non se alcanzar a avinza, o día 9.6.2015 ás 10.40 horas, na planta baixa, sala 1, Edif. Audiencia, para a realización do acto de xuízo ante o/a maxistrado/a.

– Advírteselle á parte demandante que, en caso de non comparecer no sinalamento sen alegar xusta causa que motive a suspensión dos actos de conciliación e xuízo, se terá por desistida da súa demanda. Advírteselle igualmente á parte demandada que a súa non comparecencia aos referidos actos non impedirá a súa realización, e que estes continuarán sen necesidade de declarar a súa rebeldía.

– Antes da notificación desta resolución ás partes paso a dar conta a SSª do sinalamento efectuado e da proba proposta pola parte demandante, co fin de resolver o que proceda.

E, para que lle sirva de citación en legal forma a Perfecto Cordo Fernández, en ignorado paradoiro, expido este edicto para a súa inserción no Diario Oficial de Galicia.

Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que sexan de autos ou sentenzas, ou cando se trate de emprazamento.

Pontevedra, 12 de maio de 2015

A secretaria xudicial