De conformidade co establecido nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á empresa citada no anexo a resolución ditada no expediente sancionador por infracción na orde social (materia de seguridade e hixiene), devolta polo servizo de Correos por resultar descoñecido o seu destinatario.

Contra esta resolución, que non pon fin á vía administrativa, o interesado poderá interpor un recurso de alzada ante o director xeral de Traballo e Economía Social no prazo dun mes, contado desde o día seguinte ao da súa publicación, de acordo co establecido nos artigos 48 e 115.1 da Lei 30/1992, sen prexuízo de que poida exercer calquera outro recurso que considere pertinente.

O interesado, durante este prazo, poderá presentarse ante o Servizo de Traballo e Economía Social da Xefatura Territorial da Consellería de Traballo e Benestar en Lugo, situado na rolda da Muralla, 70, baixo, en horario de 9.00 a 14.00 horas, de luns a venres, para os efectos de coñecer integramente o contido da resolución.

Advírteselle que, de non ser interposto o recurso en tempo e forma, a resolución adquirirá firmeza.

Lugo, 1 de abril de 2015

Alberto Linares Fernández
Xefe territorial de Lugo

ANEXO