Francisco Ferreiro Vázquez, secretario xudicial do Xulgado de Primeira Instancia número 2 de Santiago de Compostela, polo presente anuncio:

No presente procedemento ordinario 233/2014, seguido por instancia de María Begoña Gómez Bouzas fronte a José Fraga Fraga e Filomena Fraga Fraga, ditouse sentenza cuxo teor literal na resolución é o seguinte:

Estimo integramente a demanda presentada por María Begoña Gómez Bouzas (tamén coñecida como María Begonia, segundo o seu DNI) contra José Fraga Fraga e Filomena Fraga Fraga e, en consecuencia:

1. Declaro que o predio inscrito no Rexistro da Propiedade número 2 de Santiago de Compostela no tomo 87, libro 47, folio 291, predio 1991, e descrito nel como «casa sinalada co nº 4 da rúa Entrepenas ou travesía de Cruceiro do Gaio, desta cidade, que ocupa a superficie de sesenta metros e sesenta e un decímetros e vinte e cinco centímetros cadrados, sen incluír o espesor das partes. Linda: sur ou fronte, coa devandita rúa; leste, ou dereita entrando, casa nº 1 de Cruceiro do Gaio; norte, ou costas, casa nº 3 moderno de Antonio Oubiña, e oeste ou esquerda, casa nº 3 de herdeiros do Sr. Carrete», é propiedade da demandante María Begoña ou Begonia (segundo o seu DNI) Gómez Bouzas e, en consecuencia, acordo a cancelación da inscrición rexistral contraditoria do dominio que no devandito rexistro figura a nome dos demandados José Fraga Fraga e Filomena Fraga Fraga, debendo ser inscrito o predio a nome da demandante.

2. Condeno os demandados a avirse ás anteriores declaracións e a realizar os actos necesarios para a inscrición do predio no rexistro da propiedade a favor da demandante.

3. Todo iso sen imposición de custas. Esta resolución non é firme.

E encontrándose o devandito demandado, José Fraga Fraga, en paradoiro descoñecido, expídese este edicto co fin de que lle sirva de notificación en forma.

Santiago de Compostela, 24 de marzo de 2015

O secretario xudicial