De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á Mancomunidade de Valdeorras a Resolución do 27 de febreiro de 2015, da directora xeral de Emprego e Formación, ditada no procedemento de baixa no Rexistro de Centros e Entidades de Formación para o Emprego da Consellería de Traballo e Benestar, devolta polo servizo de Correos por resultar descoñecido o seu destinatario.

«Resolución de baixa no Rexistro de Centros e Entidades de Formación para o Emprego da Consellería de Traballo e Benestar por baixa de todas as especialidades formativas:

Mancomunidade de Valdeorras.

Rúa Velázquez, 2.

32350 O Barco de Valdeorras.

Ourense.

Logo de examinar a inscrición/acreditación da entidade Mancomunidade de Valdeorras no Rexistro de Centros e Entidades de Formación para o Emprego da Consellería de Traballo e Benestar,

Antecedentes.

Primeiro. A entidade Mancomunidade de Valdeorras encóntrase inscrita/acreditada no Rexistro de Centros e Entidades de Formación para o Emprego da Consellería de Traballo e Benestar, co número de censo 32C00098, nas especialidades formativas seguintes:

Código especialidade	Descrición	Alta homologación	Baixa homologación
EE0001	Auxiliar electricista	1.1.1995	31.12.2001
HO0112	Cociñeiro	1.1.1995	31.12.2001
SC0011	Auxiliar axuda a domicilio	26.1.1998	31.12.2001
TL0111	Emprendedor turístico	26.1.1998	31.12.2001
TX0311	Tecedor pezas punto máquina	1.1.1995	31.12.2001

Segundo. As ditas especialidades formativa causaron baixa no Ficheiro de especialidades formativas con efecto nas datas que constan no antecedente primeiro como baixa homologación.

Terceiro. Mediante escrito do 24 de setembro de 2014, que foi recibido polo interesado o 1 de outubro de 2014, segundo consta no xustificante de recepción, a Dirección Xeral de Emprego e Formación deu trámite de audiencia á Mancomunidade de Valdeorras para que alegase e presentase os documentos e as xustificacións que considerase oportuno.

Cuarto. Transcorrido o prazo para formular alegacións, non consta que Mancomunidade de Valdeorras as presentase en tempo e forma.

Consideracións legais e técnicas.

Primeiro. A competencia para resolver este expediente correspóndelle á directora xeral de Emprego e Formación, de conformidade co establecido no artigo 6.3) e no artigo 8 do Decreto 106/2011, do 19 de maio.

Segundo. O artigo 8.1.c) do Decreto 106/2011, dispón que a Dirección Xeral de Emprego e Formación poderá acordar a baixa no Rexistro de Centros e Entidades de Formación dos centros ou entidades cando se produza a baixa no ficheiro de todas as especialidades que lle foron concedidas.

Revisado o expediente, compróbase que todas as especialidades formativas en que estaba acreditada e/ou inscrita a entidade Mancomunidade de Valdeorras, co número de censo 32C00098, causaron baixa no Ficheiro de especialidades formativas.

Terceiro. Tendo en conta que na tramitación do expediente se observaron as normas que para o efecto se establecen no Decreto 106/2011, do 19 de maio, e na Lei de réxime xurídico das administracións públicas e do procedemento administrativo común.

Vistos o Real decreto 395/2007, do 23 de marzo, polo que se regula o subsistema de formación profesional para o emprego; a Orde TAS/718/2008, do 7 de marzo, modificada pola Orde ESS/1726/2012, do 2 de agosto, pola que se desenvolve o dito real decreto; o Decreto 106/2011, do 19 de maio, polo que se crea o Rexistro de Centros e Entidades de Formación para o Emprego da Consellería de Traballo e Benestar e se regula o procedemento para a inscrición e, se é o caso, acreditación dos centros e entidades que impartan formación para o emprego no territorio da Comunidade Autónoma de Galicia; o Decreto 235/2012, do 5 de decembro, polo que se fixa a estrutura orgánica da Vicepresidencia e das consellerías da Xunta de Galicia, o Decreto 42/2013, do 21 de febreiro, polo que se establece a estrutura orgánica da Consellería de Traballo e Benestar; a Lei 30/1992, do 26 de novembro, de réxime xurídico das administracións públicas e do procedemento administrativo común, e a demais normativa de xeral aplicación.

De acordo con todo o indicado, resolvo:

Dar de baixa a entidade Mancomunidade de Valdeorras, número de censo 32C00098, no Rexistro de Centros e Entidades de Formación para o Emprego da Consellería de Traballo e Benestar.

Notifíqueselles aos interesados esta resolución para o seu coñecemento e efectos oportunos.

Contra esta resolución poderase interpoñer recurso de alzada, ante a conselleira de Traballo e Benestar, no prazo dun mes contado a partir do día seguinte ao da súa notificación, de acordo co establecido no artigo 114, seguintes e concordantes, da Lei 30/1992, do 26 de novembro, de réxime xurídico das administracións públicas e do procedemento administrativo común».

Santiago de Compostela, 7 de abril de 2015

Ana Mª Díaz López
Directora xeral de Emprego e Formación