No BOP da Coruña núm. 53, do 19 de marzo de 2015, publicouse a modificación das bases específicas que regulan a convocatoria para cubrir tres prazas de funcionarios de carreira, pertencentes á escala da Administración especial, subescala servizos especiais, clase policía local, subgrupo C1, polo sistema selectivo de oposición libre e que foron publicadas no BOP da Coruña núm. 234, do 5 de decembro de 2014. Esta convocatoria específica, da que xa fora publicado un anuncio no DOG núm. 1, do 2 de xaneiro de 2015, desenvolve as bases xerais para a provisión de prazas vacantes convocadas polo Concello de Oleiros para o ano 2010, publicadas no BOP da Coruña núm. 72, do 20 de abril de 2010, e a súa modificación no BOP núm. 113, do 17 de xuño de 2010. O prazo de presentación de instancias será de vinte (20) días naturais contados desde o día seguinte ao da publicación do anuncio desta convocatoria no Boletín Oficial del Estado. Despois da dita publicación, os sucesivos anuncios relativos á convocatoria publicaranse no BOP da Coruña e no taboleiro de anuncios do Concello.
Oleiros, 24 de marzo de 2015
Margarita Figueroa Vázquez
Segunda tenente de alcalde delegada de Persoal