O Pleno do Concello do Barco de Valdeorras, na sesión ordinaria do 9 de abril de 2015, adoptou o seguinte acordo:
«Primeiro. Aprobar definitivamente a modificación do Plan parcial da área de repartición 13-SUR 13 por iniciativa de Profoner Galicia, S.L., Construcciones José Miguel Rubio, S.L., Dionisio Rodríguez Jurjo e Carmen Ferrer Fernández, segundo o documento presentado no R.X. de Entrada núm. 3077.
Segundo. Publicar no prazo dun mes este acordo no Diario Oficial de Galicia e este acordo xunto co texto íntegro do articulado das normas e ordenanzas modificadas do Plan parcial no Boletín Oficial da provincia.
Terceiro. Comunicar este acordo á consellería competente en materia de urbanismo e ordenación do territorio achegándolle copia autenticada de dous exemplares do instrumento aprobado definitivamente con todos os planos e instrumentos que integran o plan, debidamente dilixenciados polo secretario do concello, facendo constar a dita cuestión. Nos anuncios a que se refire o ordinal segundo deste acordo farase constar a data da remisión da documentación á consellería.
Cuarto. Para a eficacia deste acordo e a entrada en vigor da modificación do Plan parcial será preciso dar cumprimento aos ordinais segundo e terceiro deste acordo e que transcorrese o prazo previsto de quince días hábiles a partir da recepción da comunicación deste acordo, contado desde a recepción da documentación que sinala o artigo 92 da Louga no Rexistro da consellería competente en materia de ordenación do territorio e urbanismo e da recepción de copia da acta desta sesión ou extracto comprensivo dos seus actos e acordos na Subdelegación do Goberno do Estado en Ourense.
Quinto. Contra este acordo, que esgota a vía administrativa, poderán interpor directamente, aqueles que se consideren lexitimados, recurso contencioso-administrativo, perante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da publicación do texto íntegro da disposición impugnada, conforme o establecido nos artigos 10.1.6 e 46.1 da Lei 29/1998, do 13 de xullo, reguladora da xurisdición contencioso-administrativa. Non obstante, tamén se poderá interpoñer calquera outro recurso que os interesados xulguen procedente en dereito».
Déixase constancia de que con data do 22 de abril de 2015 se remitiu á consellería competente a documentación que sinala o artigo 92 da Louga.
O Barco de Valdeorras, 22 de abril de 2015
Alfredo L. García Rodríguez
Alcalde