De conformidade co disposto no artigo 59.4 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle a interesada que a seguir se relaciona o acordo de iniciación do procedemento sancionador en materia de turismo, por infracción administrativa da Lei 7/2011, do 27 de outubro, do turismo de Galicia, expediente número LU-4/15, incoado ao titular do establecemento de Sarria denominado O Antoxo, situado na rúa Calvo Sotelo, 211, do concello de Sarria, xa que intentada a notificación polos medios habituais non se puido practicar.

Noméase instrutora do procedemento a Mercedes Campos Casares e secretaria a María del Carmen Enríquez Río, funcionarias desta Área Provincial de Turismo, cuxo réxime de recusación é o previsto nos artigos 28 e 29 da Lei 30/1992.

Segundo o establecido no artigo 16.1 do Real decreto 1398/1993, do 4 de agosto, polo que se aproba o Regulamento do procedemento para o exercicio da potestade sancionadora, a interesada disporá dun prazo de quince (15) días, contados a partir do seguinte ao da publicación desta notificación para achegar por escrito cantas alegacións, documentos ou informacións considere convenientes e, se é o caso, propor proba en que concrete os medios de que pretenda valerse.

Conforme o establecido no artigo 13.2 do Real decreto 1398/1993, de non efectuar alegacións no prazo anteriormente indicado, este acordo de iniciación poderá ser considerado proposta de resolución e, para estes efectos, determinarase o importe da sanción.

O pagamento voluntario poderá pór fin ao expediente. Para efectualo deberá empregar o impreso normalizado que lle será facilitado na Área Provincial de Turismo, sita no Edificio Administrativo da Xunta de Galicia, na rolda da Muralla de Lugo.

O órgano competente para a resolución do procedemento é a directora da Axencia Turismo de Galicia, segundo o disposto no artigo 119.1.b) da Lei 7/2011, e no Decreto 196/2012, do 27 de setembro, polo que se crea a Axencia Turismo de Galicia e se aproban os seus estatutos.

O que se lle comunica de acordo coa normativa antes citada e co establecido no Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto (BOE núm. 189, do 9 de agosto).

Expediente: LU-4/2015.

Denunciada: Alousa 2012, S.L.

Establecemento: O Antoxo.

Enderezo: rúa Calvo Sotelo, 211. Localidade: Sarria.

Feitos denunciados: utilizar denominacións, rótulos ou distintivos diferentes aos que correspondan segundo a normativa turística.

Preceptos infrinxidos: artigo 110.4 da Lei 7/2011, do 27 de outubro, de turismo de Galicia.

Cualificación: grave.

Sanción: 1.000 €.

Lugo, 9 de abril de 2015

Paloma Vázquez Fernández
Xefa da Área Provincial de Turismo de Lugo