Procedemento ordinario 57/2014

Sobre: ordinario

Demandante: Joelma Ferreira de Souza Ferreirinha

Demandado: Fondo de Garantía Salarial, empresa Jadua Maria dos Santos

Eu, María Jesús Hernando Arenas, secretaria xudicial do Xulgado do Social número 5 da Coruña, fago saber que no procedemento ordinario 57/2014 deste xulgado do social, seguido por instancia de Joelma Ferreira de Souza Ferreirinha contra a empresa Jadua Maria dos Santos, sobre ordinario, se ditou sentenza cuxa decisión di: debo estimar e estimo a demanda que en materia de cantidade foi interposta por Joelma Ferreira de Souza Ferreirinha contra a empresaria individual Jadua Maria dos Santos e, en consecuencia, debo condenar e condeno a empresaria individual Jadua Maria dos Santos a que lle aboe á demandante a cantidade de 7.505,59 € brutos polos salarios devindicados entre maio e decembro de 2013, así como pola compensación económica polas vacacións non gozadas do ano 2012, incrementadas no xuro do 10% por mora e aplicable aos conceptos salariais.

Notifíqueselles a presente resolución ás partes facéndolles saber o seu dereito a interpor contra esta recurso de suplicación ante a Sala do Social do Tribunal Superior de Xustiza de Galicia, o cal poderán anunciar por comparecencia ou por escrito ante este xulgado no prazo de cinco días a partir da súa notificación.

Advírtaselle ao recorrente que non fose traballador ou beneficiario do réxime público de Seguridade Social, ou habente causa seu, ou non teña recoñecido o beneficio de xustiza gratuíta, que deberá depositar a cantidade de 300 euros do depósito especial indicado no artigo 229.1.a) da Lei reguladora da xurisdición social na conta aberta na entidade Banesto, a nome deste xulgado, co número 47570000, código 36 e número de expediente, acreditándoo mediante a presentación do xustificante de ingreso no período comprendido ata a formalización do recurso, así como, no caso de ter sido condenado en sentenza ao pagamento dalgunha cantidade, consignar na conta de depósitos e consignacións a nome deste xulgado a cantidade obxecto de condena, ou formalizar aval bancario pola dita cantidade no cal se faga constar a responsabilidade solidaria do avalista, incorporándoos a este xulgado co anuncio de recurso.

En todo caso, o recorrente deberá designar letrado para a tramitación do recurso no momento de anuncialo. Así, por esta a miña sentenza, pronúncioo, mándoo e asínoo.

E para que lle sirva de notificación en legal forma a Jadua Maria dos Santos, en ignorado paradoiro, expido o presente edicto para a súa inserción no Boletín Oficial da provincia.

Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que sexan autos ou sentenzas, ou cando se trate de emprazamento.

A Coruña, 17 de marzo de 2015

O secretario xudicial