De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle ao interesado, co último domicilio coñecido na rolda das Fontiñas, 20, 27001 Lugo, a resolución que inadmite o recurso de alzada número RA/CAL/2014/00019, formulado contra a resolución ditada polo secretario xeral de Calidade e Avaliación Ambiental da Consellería de Medio Ambiente, Territorio e Infraestruturas no procedemento sancionador en materia de residuos LU-RES-2013-053, en que se impuxo unha sanción de multa por importe de 901,00 euros, do 29 de xaneiro de 2014, que na súa parte dispositiva di:

«RESOLVO:

Inadmitir o recurso de alzada nº RA/CAL/2014/00019 interposto por Jesús Mariano González Méndez, actuando en nome e representación da mercantil Rovilugo, S.L. contra a Resolución do 29 de xaneiro de 2014 do secretario xeral de Calidade e Avaliación Ambiental da Consellería de Medio Ambiente, Territorio e Infraestruturas, no procedemento sancionador en material de residuos LU-RES-2013-053.

A presente resolución pon fin á vía administrative e contra ela só cabe recurso contencioso-administrativo perante o xulgado do contencioso-administrative da circunscrición en que o demandante teña o seu domicilio ou no de Santiago de Compostela, de acordo co establecido nos artigos 8 e 14 da Lei 29/1998, do 13 de xullo, reguladora da xurisdición contencioso-administrativa, no prazo de dous meses contados desde o seguinte ao da súa notificación, consonte o disposto no artigo 46.1 da citada norma legal».

Tendo en conta que, en atención ao previsto no artigo 61 da Lei 30/1992, o acto non se publica na súa integridade, fáiselle saber ao interesado que o texto íntegro da resolución que se notifica se atopa á súa disposición, durante un prazo de 10 días contados desde o seguinte ao da publicación desta cédula, na Secretaría Xeral Técnica da Consellería de Medio Ambiente, Territorio e Infraestruturas, situada no Edificio Administrativo de San Caetano, en Santiago de Compostela.

O prazo de dous meses mencionado anteriormente contarase desde o día seguinte ao remate do prazo sinalado para o exame do expediente, ou da comparecencia para tal fin, se é o caso.

E para que conste e lles sirva de notificación aos interesados, asino e selo a presente cédula.

Santiago de Compostela, 26 de febreiro de 2015

José Antonio Fernández Vázquez
Secretario xeral técnico da Consellería de Medio Ambiente,
Territorio e Infraestruturas