Execución de títulos xudiciais 9/2015
Procedemento de orixe: despedimento obxectivo individual 493/2014
Sobre despedimento
Demandante: Philipp Lukas Frommenwiler
Avogado: José Ignacio Lorenzo Rubín
Demandado: Activ Solar Energietechnik GmbH
Eu, Susana Varela Amboage, secretaria xudicial do Xulgado do Social número 3 de Santiago de Compostela, fago saber que no procedemento de execución de títulos xudiciais número 9/2015 deste xulgado do social, seguido por instancia de Philip Lukas Frommenwiler contra a empresa Activ Solar Energietechnik GmbH, sobre reclamación de cantidade, se ditou auto o 25 de febreiro de 2015, cuxa parte dispositiva é do teor literal seguinte:
«Parte dispositiva:
Declárase extinguida con data da presente resolución a relación laboral que unía a Philipp Lukas Frommenwiler coa empresa Activ Solar Energietechnik GmbH e condénase esta a que aboe ao executante a cantidade de 37.472,83 euros en concepto de indemnización e 46.332,84 euros en concepto de salarios de tramitación.
Faise saber que en caso de non dar cumprimento á presente resolución continuará a presente como execución pecuniaria, polo importe total de 83.805,67 euros incrementados con 8.380,57 euros en concepto de xuros e custas da execución, sen prexuízo este último importe de ulterior liquidación.
Notifíquese a presente resolución ás partes e ao Fogasa, facéndolles saber que contra ela cabe recurso de reposición no prazo de tres días desde a súa notificación.
Así o acorda, manda e asina Carolina Nores Díaz, maxistrada xuíza en comisión de servizo do Xulgado do Social número 3 de Santiago de Compostela.
A maxistrada xuíza».
Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial.
E para que sirva de notificación a Activ Solar Energietechnik GmbH, expido o presente edicto.
Santiago de Compostela, 26 de febreiro de 2015
A secretaria xudicial