Por Decreto de Alcaldía do 4 de marzo de 2015 foron aprobados os pregos de cláusulas administrativas particulares que rexerán na seguinte licitación:

1. Entidade adxudicadora: Concello do Porriño (expediente 39/14).

2. Obxecto do contrato: obra de dotación de céspede artificial e elementos accesorios no campo de fútbol de Mosende, ao abeiro do Plan urxente de mantemento de servizos e infraestruturas municipais 2014 (PUSIM/14) da Deputación Provincial de Pontevedra.

3. Tramitación e procedemento de adxudicación: ordinaria/aberto.

4. Orzamento base de licitación: 122.261,45 € (101.042,52 € + 21.218,93 € en concepto de IVE).

5. Garantías: garantía definitiva: 5 % do importe de adxudicación (excluído o IVE).

6. Prazo de presentación das proposicións: 26 días naturais desde o día seguinte ao da última publicación deste anuncio no DOG, no BOP e no perfil do contratante do Concello do Porriño (www.contratosdegalicia.es).

7. Apertura das ofertas: segundo o establecido no prego de cláusulas administrativas particulares que rexen a licitación.

8. Gastos de anuncios: por conta do licitador que resulte adxudicatario.

9. Páxina onde figuran os datos da convocatoria: www.contratosdegalicia.es

O Porriño, 4 de marzo de 2015

José Nelson Santos Argibay
Alcalde