A Xunta de Goberno Local, en sesión ordinaria que tivo lugar con data do 22 de xaneiro de 2015 acordou admitir a trámite e estimar parcialmente as alegacións presentadas por Isabel Mª Pérez Chao e Ana Isabel Pérez Chao á aprobación inicial do Plan especial de reforma interior no ámbito da APE-22, Fene, e, en consecuencia, retrotraer o expediente ao momento anterior á súa aprobación inicial para requirir ao promotor informe ou memoria de sustentabilidade económica recollido no artigo 15.4 do Real decreto lei 2/2008, así como levantar a suspensión do procedemento de outorgamento de licenzas por un prazo máximo de 2 anos no ámbito da APE-22 acordado en sesión da Xunta de Goberno Local do 12.6.2014.
De conformidade co artigo 66 da Lei 30/1992, na retroacción do expediente conservaranse aqueles trámites e actos cuxo contido se mantería igual de non terse cometido a infracción.
Fene, 26 de xaneiro de 2015
Gumersindo Pedro Galego Feal
Alcalde