De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle a Vettera Training, S.A. a Resolución do 14 de xaneiro de 2015, da directora xeral de Emprego e Formación, ditada no procedemento de baixa no Rexistro de Centros e Entidades de Formación para o Emprego da Consellería de Traballo e Benestar, devolta polo servizo de Correos por resultar descoñecido o seu destinatario.
«Número de censo: 36H01048.
Vettera Training, S.A.
Rúa Colón, 28, 4º A.
36201 Vigo (Pontevedra).
Logo de examinar a inscrición/acreditación da entidade Vettera Training, S.A., A15636467, no Rexistro de Centros e Entidades de Formación para o Emprego da Consellería de Traballo e Benestar.
Supostos de feito:
Primeiro. A entidade Vettera Training, S.A. encóntrase inscrita no Rexistro de Centros e Entidades de Formación para o Emprego da Consellería de Traballo e Benestar, co número 36H01048, nas especialidades formativas seguintes:
Código especialidade |
Descrición |
Alta homologación |
IFCI12 |
Programador de Linguaxes Estruturados |
14.12.2005 |
IFCI14 |
Analista Programador |
14.12.2005 |
IFCI15 |
Analista Funcional |
14.12.2005 |
IFCI17 |
Técnico en Software Ofimático |
14.12.2005 |
IFCI3004 |
Programador de Aplicacións Orientadas a Obxectos |
14.12.2005 |
IFCI40 |
Programador de Bases de Datos |
27.9.2001 |
IFCI4004 |
Programador de Base de Datos Relacionais |
14.12.2005 |
IFCI50 |
Administrador de Sistemas Operativos |
27.9.2001 |
IFCX02 |
Iniciación á Rede Internet |
27.9.2001 |
Segundo. A Xefatura Territorial da Consellería de Traballo e Benestar de Vigo, o 27 de outubro de 2014, requiriulle á entidade Vettera Training, S.A., para os efectos de comprobar o cumprimento dos requisitos establecidos na normativa vixente para manter a condición de centro/entidade inscrito ou acreditado no Rexistro de Centros e Entidades de Formación para o Emprego da Consellería de Traballo e Benestar, a documentación prevista nos artigos 5 e 6 do Decreto 106/2011, informándoa de que, en caso de non achegar a documentación requirida, se proporá a súa baixa no antedito rexistro.
Terceiro. O 28 de outubro de 2014 devolveuse a notificación do requirimento por resultar descoñecido o centro no enderezo da rúa Colón, 28, 4º A, 36201 Vigo (Pontevedra).
Cuarto. O 25 de novembro de 2014, persoal técnico da Xefatura Territorial da Consellería de Traballo e Benestar de Vigo visitou o centro Vettera Training, S.A. e comprobou que non existe o devandito centro na rúa Colón, 28, 4º A, 36201 Vigo (Pontevedra).
Quinto. En cumprimento do disposto no artigo 8 do Decreto 106/2011, do 19 de maio, o 27 de novembro de 2014, a xefa territorial da Consellería de Traballo e Benestar de Vigo propón a baixa no Rexistro de Centros e Entidades de Formación para o Emprego de Vettera Training, S.A., A15636467, con número de censo 36H01048, na rúa Colón, 28, 4º A, 36201 Vigo (Pontevedra), coas especialidades correspondentes, por non existir o dito centro no enderezo sinalado.
Fundamentos de dereito:
Primeiro. A competencia para resolver o presente expediente correspóndelle á directora xeral de Emprego e Formación, de conformidade co establecido no artigo 6.3 e artigo 8 do Decreto 106/2011, do 19 de maio.
Segundo. O artigo 8.1.a) do Decreto 106/2011, do 19 de maio, dispón que se poderá acordar a baixa no Rexistro de Centros e Entidades de Formación para o Emprego en caso de incumprimento de calquera das obrigas previstas no artigo 7 deste decreto.
Terceiro. O artigo 7.1.a) do Decreto 106/2011, do 19 de maio, dispón que os centros e entidades de formación teñen a obriga de manter as instalacións e a estrutura de medios sobre a base das cales se produciu a súa inscrición, e adaptalas aos requisitos mínimos que en cada momento se exixan para cada especialidade acreditada ou inscrita.
Revisado o expediente compróbase que Vettera Training, S.A., non mantén as instalacións e a estrutura de medios, sobre a base das cales se produciu a súa inscrición, na rúa Colón, 28, 4º A, 36201 Vigo (Pontevedra).
Cuarto. Tendo en conta que na tramitación do expediente se observaron as normas que para o efecto se establecen no Decreto 106/2011, do 19 de maio, e na Lei de réxime xurídico das administracións públicas e do procedemento administrativo común.
Unha vez vistos o Real decreto 395/2007, do 23 de marzo, polo que se regula o subsistema de formación profesional para o emprego; a Orde TAS/718/2008, do 7 de marzo, modificada pola Orde ESS/1726/2012, do 2 de agosto, pola que se desenvolve o antedito real decreto; o Decreto 106/2011, do 19 de maio, polo que se crea o Rexistro de Centros e Entidades de Formación para o Emprego da Consellería de Traballo e Benestar e se regula o procedemento para a inscrición e, se é o caso, acreditación dos centros e entidades que impartan formación para o emprego no territorio da Comunidade Autónoma de Galicia: o Decreto 235/2012, do 5 de decembro, polo que se fixa a estrutura orgánica da Vicepresidencia e das consellerías da Xunta de Galicia; o Decreto 42/2013, do 21 de febreiro, polo que se establece a estrutura orgánica da Consellería de Traballo e Benestar, a Lei 30/1992, do 26 de novembro, de réxime xurídico das administracións públicas e do procedemento administrativo común, e a demais normativa de xeral aplicación
RESOLVO:
Dar de baixa á entidade Vettera Training, S.A., número de censo 36H01048, no Rexistro de Centros e Entidades de Formación para o Emprego da Consellería de Traballo e Benestar.
Notifíquese aos interesados a presente resolución para o seu coñecemento e efectos oportunos.
Contra esta resolución poderase interpoñer recurso de alzada ante a conselleira de Traballo e Benestar, no termo dun mes contado desde a súa notificación, de acordo co establecido no artigo 114, seguintes e concordantes, da Lei 30/1992, do 26 de novembro, de réxime xurídico das administracións públicas e do procedemento administrativo común (modificada pola Lei 4/1999, do 13 de xaneiro).»
Santiago de Compostela, 13 de febreiro de 2015
Ana Mª Díaz López
Directora xeral de Emprego e Formación