Visto o acordo polo que se aproba o incremento salarial para o ano 2013, que subscribiu a comisión negociadora da empresa Fundación Valdegodos, na reunión celebrada o 9 de novembro de 2012, e de conformidade co disposto no artigo 90.2 e 3 do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, e no Real decreto 713/2010, do 28 de maio, sobre rexistro e depósito de convenios e acordos colectivos de traballo
Esta dirección xeral,
ACORDA:
Primeiro. Ordenar o seu rexistro e depósito no Rexistro de Convenios e Acordos Colectivos de Traballo da Comunidade Autónoma de Galicia, creado mediante a Orde do 29 de outubro de 2010 (DOG nº 222, do 18 de novembro).
Segundo. Dispoñer a súa publicación no Diario Oficial de Galicia.
Santiago de Compostela, 28 de xaneiro de 2015
Carmen Bouso Montero
Directora xeral de Traballo e Economía Social
ANEXO
Acta de acordo de modificación, para o ano 2013, do convenio colectivo laboral de ámbito provincial da empresa Fundación Valdegodos
I
Reunidos
Dunha parte, Miguel Blanco Álvarez, con DNI 76704229-B, e Félix Pérez Moral, con DNI 34991392-C, en calidade de representantes de Fundación Valdegodos, con CIF G32008732, domiciliado na r/ Manuel Pérez Barreiro, 52, 32348, Vilamartín de Valdeorras (Ourense).
Doutra parte, en representación dos traballadores:
– Pola Residencia Virgen de los Milagros:
Eliecer Carracedo Franco: 76704296-D.
Alejandro Barranco Fernández: 52886305-J.
Aurora García Candal: 76357912-M.
Francisca Trincado López: 76705000-K.
Raquel Nogueira Peral: 76708527-P.
– Pola Residencia de Quiroga:
Juan Luis González Fernández: 34248195-E.
María Isabel Rodríguez Rodríguez: 76615648-A.
Verónica Zamuz Soto: 34268844-V.
Carmen García Álvarez: 76624286-Q.
– Pola Residencia de Viana do Bolo:
Isabel Gago Páez: 76775351-V.
Avelino Pérez Gulias: 44481995-H.
– Pola Residencia La Natividad:
Pedro Lombardero Álvarez: 11397117-L.
– Pola Residencia Os Pinos:
Rosa María Barros Enríquez: 76716983-T.
Victorina Calvo Nogueira: 34954991-M.
– Pola Residencia O Mosteiro:
Gloria Díaz Castiñeira: 34989005-W.
María del Carmen García Yáñez: 76748006-L.
II
Manifestan
Que a representación da Fundación Valdegodos se reuniu cos representantes dos traballadores de todos os centros o día 30 de outubro de 2012 para presentar proposta de modificación, para o ano 2013, do convenio colectivo laboral de ámbito provincial da empresa Fundación Valdegodos. A proposta contén os seguintes puntos:
1. Incremento salarial do 1 % para o ano 2013.
2. Redución do número de días de libre disposición a que cada traballador ten dereito, cando a prestación do servizo abranga os 12 meses do ano natural, de 5 días a 2. Nos supostos en que a prestación de servizo sexa inferior a 12 meses, os días de libre disposición calcularanse de modo proporcional, a razón dun día por cada 182 días naturais de servizo ininterrompido.
Os representantes dos traballadores que asisten á reunión, tras informar o persoal dos respectivos centros, aceptan, por unanimidade, as propostas da empresa.
Ambas as partes, recoñecéndose mutuamente capacidade legal para este acto, alcanzaron un acordo, de conformidade cos seguintes:
III
Pactos
Primeiro. As partes aceptan e recoñecen as razóns económicas e produtivas expostas pola empresa, que xustifican a adopción das medidas que se concretan no seguinte acordo.
Segundo. No sentido do expresado no punto anterior, os representantes dos traballadores e da empresa acordan:
1. Dar conformidade ao incremento salarial dun un por cento (1 %) para o ano 2013.
2. Que o número de días de libre disposición no ano 2013, para cada traballador, sexa de dous (2). Nos supostos en que a prestación de servizo sexa inferior a 12 meses, os días de libre disposición calcularanse de modo proporcional, a razón dun día por cada 182 días naturais de servizo ininterrompido.
Lido o acordo e conformes co seu contido, as partes o asinan.
En Vilamartín de Valdeorras o nove de novembro de 2012