Juan Jesús Peteiro López solicitou desta alcaldía, en representación da sociedade Avícola Hermanos Peteiro, S.C., licenza municipal para instalación de estación de almacenamento de G.L.P. A-5 cun depósito aéreo de 4,88 m3, e instalación receptora para a subministración a unha granxa avícola, que se vai situar na Sobreira, Buazo, cumprindo o disposto no artigo 8.3 do Decreto 133/2008, do 12 de xuño, no que se regula a avaliación de incidencia ambiental, sométese a información pública por período de vinte días hábiles, co fin de que durante este, que comezará a contarse desde o día seguinte ao da última inserción do presente edito no Boletín Oficial da provincia ou no Diario Oficial de Galicia, poidan examinar o expediente, na Secretaría deste concello, as persoas que dalgún xeito se consideren afectadas polas actividades que se pretenden instalar e formular por escrito as reclamacións ou observacións que se consideren oportunas.
Boimorto, 28 de xaneiro de 2015
Ana Ledo Fernández
Alcaldesa