Visto o expediente para outorgamento da autorización administrativa previa e de construción da instalación eléctrica que a continuación se describe:

Solicitante: Iberdrola Distribución Eléctrica, S.A.U.

Domicilio social: rúa María de Molina, 7, 6º, 47001 Valladolid.

Denominación: proxecto de modificación da liña eléctrica 20 kV Santo Estevo-A Rasa, por modificación de L/E a 220 kV Santo Estevo-Trives.

Situación: Nogueira de Ramuín.

Características técnicas:

LMT aérea a 20 kV de 48 m, con condutor tipo LA-56 e orixe no apoio nº 5 (novo apoio 5B) da LMT Santo Estevo-A Rasa e remate no apoio nº 6 da mesma LMT.

Cumpridos os trámites ordenados na Lei 24/2013, do 26 de decembro, do sector eléctrico, e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:

Conceder a autorización administrativa previa e a autorización administrativa de construción á devandita instalación, cuxas características se axustarán en todas as súas partes ao proxecto arriba sinalado e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente. Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.

O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.

Contra a presente resolución poderá interpoñer recurso de alzada ante o conselleiro de Economía e Industria no prazo dun mes contado a partir do día seguinte ao da notificación ou publicación desta resolución; tamén poderá interpoñer calquer outro recurso que considere pertinente ao seu dereito.

Ourense, 20 de xaneiro de 2015

Alfonso Tomás Paz Doniz
Xefe territorial de Ourense