A Consellería de Medio Ambiente, Territorio e Infraestruturas, a través da Axencia Galega de Infraestruturas, está a promover a segunda fase dos mapas estratéxicos de ruído das vías pertencentes á rede autonómica de estradas de Galicia. Estes mapas deséñanse para avaliar globalmente a exposición ao ruído nunha zona determinada debido á existencia de distintas fontes de ruído, realizar predicións globais para a dita zona e, así, mellorar a calidade acústica no noso contorno.
Por todo isto, e de conformidade co disposto na Lei 37/2003, do 17 de novembro, do ruído; no Real decreto 1367/2007, do 19 de outubro, polo que se desenvolve a citada lei, e no Real decreto 1038/2012, do 6 de xullo, polo que se modifica o real decreto anterior, sométense á información pública os mapas estratéxicos de ruído das estradas que a seguir se relacionan:
Estrada |
Zona do Salnés-Caldas |
Treito/s |
Clave |
Concello/s |
AG-41 |
Curro (PO-531)-Sanxenxo (VG-4.1) |
0+400 ao 19+180 |
PO/13/043.09.1 |
Sanxenxo, Meaño, Ribadumia, Barro |
VG-4.1 |
Sanxenxo (AG-41)-A Lanzada (PO-550) |
19+190 ao 20+940 |
PO/13/043.09.2 |
Sanxenxo |
VG-4.2 |
Saída 7 (AG-41)-Cambados (PO-300) |
0+000 ao 4+440 |
PO/13/043.09.3 |
Cambados, Ribadumia |
VG-4.3 |
Cambados (PO-300)-Vilagarcía de Arousa (N-640) |
0+000 ao 7+330 |
PO/13/043.09.4 |
Vilagarcía de Arousa, Vilanova de Arousa, Cambados |
PO-300 |
Mosteiro-Cambados (VG-4.3) |
10+040 ao 11+710 |
PO/13/043.09.5 |
Cambados |
PO-307 |
Deiro (PO-549)-A Illa de Arousa (PO-299) |
0+000 ao 1+390 |
PO/13/043.09.6 |
Vilanova de Arousa |
PO-308 |
Ponteveda (PO-531)-A Lanzada (PO-550) |
0+840 ao 3+470 8+820 ao 17+350 |
PO/13/043.09.7 |
Sanxenxo-Poio |
PO-316 |
A Lanzada (PO-550)-O Grove |
0+000 ao 5+870 |
PO/13/043.09.8 |
O Grove |
PO-504 |
Sanxenxo (PO-308)-Vilalonga (PO-550) |
0+000 ao 0+810 |
PO/13/043.09.9 |
Sanxenxo |
PO-529 |
VG-4.3-Rial (PO-549) |
0+000 ao 1+670 |
PO/13/043.09.10 |
Vilagarcía de Arousa |
PO-530 |
Tremoedo (Deput.)-Deiro (PO-549) |
1+100 ao 2+540 |
PO/13/043.09.11 |
Vilanova de Arousa |
PO-531 |
Pontevedra-Baión (N-640) |
11+100 ao 18+800 |
PO/13/043.09.12 |
Vilanova de Arousa, Meis, Barro |
PO-548 |
Pontecesures (N-550)-Vilagarcía de Arousa (glorieta porto) |
7+820 ao 19+110 |
PO/13/043.09.13 |
Catoira, Vilagarcía de Arousa |
PO-549 |
Vilargacía de Arousa (PO-301)-Cambados (VG-4.3) |
2+880 ao 5+250 |
PO/13/043.09.14 |
Vilagarcía de Arousa, Vilanova de Arousa |
PO-550 |
Cambados (VG-4.3)-A Lanzada (PO-308) |
0+000 ao 10+970 |
PO/13/043.09.15 |
Cambados, Ribadumia, Meaño, Sanxenxo |
PO-841 |
Santiago de Compostela (SC-11)-L.P.- A Estrada |
11+720 ao 21+810 |
PO/13/043.09.16 |
A Estrada |
A duración da información pública será dun mes, contado a partir do día seguinte ao da publicación deste anuncio no Diario Oficial de Galicia, período no cal poderán ser examinados polas persoas que o desexen, co obxecto de formularen as correspondentes alegacións ou as suxestións que consideren oportunas.
A exposición ao público, para os efectos do presente anuncio, realízase na Axencia Galega de Infraestruturas (San Caetano s/n, 15781 Santiago de Compostela) e nas respectivas casas dos concellos. Así mesmo, na páxina web da Consellería de Medio Ambiente, Territorio e Infraestruturas (http://www.cmati.xunta.es/tema/c/Infraestruturas_Estradas) atópase á disposición dos interesados o documento completo de cada un dos treitos referenciados.
Por outra banda, as observacións deberán enviarse á Axencia Galega de Infraestruturas ou poderán ser remitidas a través do seguinte enderezo de correo electrónico:
mapas-ruido.infraestruturas@xunta.es, indicando claramente a actuación á cal van dirixidas e os datos persoais (nome e apelidos, NIF/CIF, enderezo de notificación, núm. de teléfono e enderezo de correo electrónico) da/s persoa/s interesada/s.
O que se fai público para xeral coñecemento en cumprimento do disposto no artigo 14 da Lei 37/2003, do 17 de novembro, do ruído.
Santiago de Compostela, 29 de xaneiro de 2015
Francisco Menéndez Iglesias
Director da Axencia Galega de Infraestruturas