De acordo co disposto no artigo 7 da Resolución do 23 de outubro de 2008 (DOG do 13 de novembro), pola que se dispón a publicación do regulamento interno de organización e funcionamento do Consello Galego de Relacións Laborais, as organizacións sindicais e empresariais designarán os seus membros representativos, que serán nomeados pola persoa titular da consellería competente en materia de traballo.

Facendo uso da posibilidade de substitución, que recolle o artigo 8 da dita resolución, a Confederación de Empresarios de Galicia acordou a substitución de dous dos seus membros titulares, da súa representación no Consello.

Por todo o exposto, ao abeiro do artigo 7 da referida Resolución do 23 de outubro de 2008, e en uso das atribucións que teño conferidas,

DISPOÑO:

Artigo 1

Nomear membros titulares do Pleno do Consello Galego de Relacións Laborais, en representación da Confederación de Empresarios de Galicia, a Ignacio Rodríguez Sáez e a Javier Touza Touza en substitución de Javier García Ruiz e Luis Novoa Díaz, respectivamente.

Santiago de Compostela, 28 de xaneiro de 2015

Beatriz Mato Otero
Conselleira de Traballo e Benestar