As unidades dependentes da Dirección da Axencia Galega de Infraestruturas tramitan o expediente de reclamación en materia de responsabilidade patrimonial que se indica, polo que corresponde realizar o trámite procedemental de audiencia da persoa interesada que tamén se cita.

Intentada a notificación persoal deste trámite de audiencia, non se puido practicar, de maneira que, segundo dispoñen os artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, emprázanse as persoas interesadas para seren notificadas do dito trámite. Poden examinar o expediente mediante comparecencia que deberá efectuarse no prazo de dez días contados desde o seguinte ao da publicación deste anuncio, na sede do Servizo de Xestión Xurídico-Administrativa, da Axencia Galega de Infraestruturas, no Edificio Administrativo San Caetano, Santiago de Compostela.

Unha vez cumprido o prazo e realizado o trámite sinalado, tendo en conta que disporá dun prazo de dez días para formular, se for o caso, alegacións, continuarase coa tramitación do procedemento como corresponda, ata se ditar a correspondente proposta de resolución.

Expediente: RP/14/00224. Persoa interesada: Radouane Mourjni.

Santiago de Compostela, 19 de xaneiro de 2015

Francisco Menéndez Iglesias
Director da Axencia Galega de Infraestruturas