Eu, Juan Rey Pita, secretario xudicial do Xulgado do Social número 3 da Coruña, fago saber que no procedemento de despedimento/cesamentos en xeral 730/2014 deste xulgado do social, seguido por instancia de Juan José Castro Cambón contra Ifecgas Pereira, S.L. e o Fogasa, sobre despedimento, se ditou a seguinte resolución:

«Resolvo:

1º. Estimo a demanda sobre despedimento formulada por Juan José Castro Cambón contra a empresa Ifecgas Pereira, S.L. e, en consecuencia, declaro a improcedencia do despedimento con opción pola extinción da relación laboral. Todo isto con condena da empresa indicada ao aboamento da indemnización de 14.214,49 euros.

2º. O Fogasa deberá aterse a esta resolución nos termos do artigo 23.5, último parágrafo, e 6, inciso primeiro, da Lei reguladora da xurisdición social (LRXS) e o artigo 33 do Estatuto dos traballadores (ET).

Notifíqueselles esta resolución. Contra esta resolución cabe recurso de suplicación nos supostos previstos no artigo 191 da LRXS, que deberá ser anunciado ante este xulgado no prazo dos cinco días seguintes ao da notificación da presente resolución na forma prevista no artigo 194 e concordantes da LRXS, e co cumprimento das obrigacións de depósito, consignación ou aseguramento previstas nos artigos 229 e seguintes da LRXS.

Así, por esta miña sentenza, definitivamente xulgando, pronúncioo, mándoo e asínoo.

Publicación. A anterior sentenza foi lida e publicada polo maxistrado que a ditou, cando celebraba audiencia pública no día da data. Do que dou fe».

E para que sirva de notificación en legal forma a Ifecgas Pereira, S.L., expido este edicto para a súa inserción no Diario Oficial de Galicia.

Advírteselle ao destinatario que as seguintes comunicacións se farán fixando copia da resolución ou do edicto no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 15 de xaneiro de 2015

O secretario xudicial