Visto o expediente para outorgamento da autorización administrativa previa e de construción da instalación eléctrica que a seguir se describe:
Solicitante: Unión Fenosa Distribución, S.A.
Domicilio social: A Batundeira, 2, Velle, Ourense.
Denominación: recuamento Pena.
Situación: concello de Carballedo.
Características técnicas:
1. Liña de media tensión aérea PRS809-Poboado a 20 kV, con orixe na LMTA PRS806-Luíntra e final no apoio 1 da LMTA PRS809-Poboado, cunha lonxitude de 11 metros en condutor tipo LA-110.
2. Liña de media tensión soterrada PRS805-Herbedeiro 5 a 20 kV, con orixe no edificio proxectado e final no apoio 1 da LMT PRS805-Herbedeiro 5, cunha lonxitude de 195 metros en condutor tipo RHZ1-240 mm.
3. Liña de media tensión soterrada PRS804-Tamallancos CH Barbantiños a 20 kV, con orixe no edificio proxectado e final no apoio 1 da LMT PRS804, cunha lonxitude de 190 metros en condutor tipo RHZ1-240 mm.
4. Liña de media tensión soterrada PRS806-Luíntra 6 a 20 kV, con orixe no edificio proxectado e final no apoio 1 da LMT PRS806, cunha lonxitude de 195 metros en condutor tipo RHZ1-240 mm.
Cumpridos os trámites ordenados na Lei 24/2013, do 26 de decembro (BOE núm. 310), do sector eléctrico, e no título VII, capítulo II do Real decreto 1955/2000, do 1 de decembro (BOE núm. 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e de acordo coa Resolución do 19 de febreiro de 2014, da Dirección Xeral de Enerxía e Minas, pola que se aproba o procedemento de autorización administrativa de construción (DOG núm. 54), esta xefatura territorial resolve:
Conceder a autorización administrativa previa e a autorización administrativa de construción das ditas instalacións, cuxas características se axustarán en todas as súas partes ás que figuran no seu proxecto e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial e outros necesarios para a realización das obras das instalacións autorizadas.
O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.
Contra esta resolución cabe interpor recurso de alzada ante o conselleiro de Economía e Industria no prazo dun mes, a partir do día seguinte ao da notificación ou publicación desta resolución; tamén poderá interpor calquera outro recurso que xulgue pertinente ao seu dereito.
Lugo, 13 de xaneiro de 2015
Pilar Fernández López
Xefa territorial de Lugo