De conformidade co disposto no artigo 59.5º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícase ao interesado que se sinala no anexo deste anuncio o trámite de audiencia dun procedemento de autorización de permutas voluntarias, por ser devolto polo servizo de Correos.

O interesado poderá comparecer, no prazo de dez días hábiles contados desde o seguinte ao da publicación deste anuncio, nas oficinas da Dirección Xeral de Desenvolvemento Rural, situadas en San Caetano, s/n, das 9.00 ás 14.000 horas, de luns a venres, para o coñecemento íntegro do mencionado trámite de audiencia e constancia de tal coñecemento.

O presente anuncio remitirase, así mesmo, ao concello correspondente ao último enderezo coñecido do interesado en aplicación do artigo 59.5 da Lei 30/1992, co obxecto de que proceda á súa publicación por medio dun anuncio no seu taboleiro de edictos.

Santiago de Compostela, 12 de xaneiro de 2015

Antonio Crespo Iglesias
Director xeral de Desenvolvemento Rural

ANEXO

Expediente: trámite de audiencia.

Interesada: Elena Rodríguez Losada.

Último enderezo coñecido: rúa Formigueiros, nº 73-4º A, Sarria, Lugo.

Acto notificado:

– Certificación de estar ao día do pagamento dos tributos ou outros dereitos que graven os predios a permutar ou, se é o caso, xustificante de exención tributaria.

– Dado que de dous predios non se achega referencia do catastro para a súa valoración, deberán remitir informe pericial emitido por técnico competente sobre o valor dos terreos obxecto da permuta.

De non remitir no dito prazo a documentación requirida entenderase, de conformidade co disposto no antedito artigo 6.3, que desistiu da súa petición.