Convocadas por resolucións do 28 de outubro de 2014 (DOG núm. 220, do 17 de novembro), as provisións de dous postos de supervisor/a de área do Hospital Universitario Lucus Augusti e as provisións de dous postos de coordinador/a do Servizo de Atención Primaria da Milagrosa e o da Fonsagrada, esta xerencia, de conformidade co previsto no Decreto 206/2005, do 22 de xullo (DOG núm. 145, do 29 de xullo), de provisión de prazas de persoal estatutario do Servizo Galego de Saúde, e na Orde da Consellería de Sanidade do 24 de maio de 2006 (DOG núm. 106, do 5 de xuño), pola que se establecen as bases do procedemento para a provisión de postos de xefatura e coordinación nas institucións sanitarias do Servizo Galego de Saúde, e en virtude das competencias atribuídas polo Decreto 43/2013, do 21 de febreiro (DOG núm. 47, do 7 de marzo), polo que se establece a estrutura orgánica do Servizo Galego de Saúde, e na Orde do 5 de xullo de 2012 (DOG núm. 139, do 20 de xullo), sobre delegación de competencias en órganos centrais e periféricos do Servizo Galego de Saúde,

DISPÓN:

Primeiro. Resolver as convocatorias públicas para a provisión de dúas prazas de supervisor/a de área do Hospital Universitario Lucus Augusti e a provisión das prazas de coordinador/a do Servizo de Atención Primaria da Milagrosa (Lugo) e da Fonsagrada, convocadas polas resolucións do 28 de outubro de 2014 (DOG núm. 220, do 17 de novembro).

Segundo. Nomear, para os postos que se indican, as persoas citadas no anexo desta resolución.

Terceiro. Os aspirantes nomeados deberán cesar na praza que desempeñen dentro dos tres días hábiles seguintes a aquel en que se publique a presente resolución no Diario Oficial de Galicia.

A toma de posesión do posto de traballo adxudicado deberá efectuarse dentro dos tres días hábiles seguintes ao do cesamento. Para estes efectos, entenderase por praza de-sempeñada a efectivamente ocupada, con independencia de que sexa en condición de destino definitivo, adscrición ou destino provisional ou comisión de servizos.

Se así o permiten as necesidades do servizo, e por petición motivada dos interesados, os prazos a que se refiren os parágrafos anteriores poderán ser prorrogados polo órgano convocante.

O prazo de toma de posesión e a súa prórroga terán a consideración de servizo activo, e percibiranse os correspondentes haberes de conformidade co que estableza a orde sobre a confección de nóminas do persoal ao servizo da Administración autonómica.

Entenderase que solicita a excedencia voluntaria por interese particular, e será declarado nesa situación polo órgano competente, quen non se incorpore ao posto adxudicado no prazo establecido.

Cuarto. Contra a presente resolución, que non pon fin á vía administrativa conforme a Lei 6/2001, do 29 de xuño (DOG núm. 135, do 12 de xullo), de adecuación da normativa da Comunidade Autónoma Galega á Lei 4/1999, do 13 de xaneiro, de modificación da Lei 30/1992, do 26 de novembro, de réxime xurídico das administracións públicas e do procedemento administrativo común, poderá interporse recurso de alzada perante o mesmo órgano que ditou o acto ou ante o competente para resolvelo, que será a Dirección Xeral de Recursos Humanos do Servizo Galego de Saúde, no prazo dun mes, que comezará a contar a partir do día seguinte ao da súa publicación, de conformidade co establecido nos artigos 114 e seguintes da Lei 30/1992 citada.

Lugo, 15 de xaneiro de 2015

Antonio García Quintáns
Xerente de Xestión Integrada de Lugo, Cervo e Monforte de Lemos

ANEXO

Denominación do posto: supervisora da Área de Saúde Mental do Hospital Universitario Lucus Augusti de Lugo.

Nome e apelidos: Rosa María Varela López.

DNI: 33852851-W.

Denominación do posto: supervisor da Área de Servizos de Soporte do Hospital Universitario Lucus Augusti de Lugo.

Nome e apelidos: Juan Pérez Peña.

DNI: 33339313-P.

Denominación do posto: coordinador do Servizo de Atención Primaria da Milagrosa (Lugo).

Nome e apelidos: Tomás Barrero Delgado.

DNI: 09152628-P.

Denominación do posto: coordinador do Servizo de Atención Primaria da Fonsagrada.

Nome e apelidos: José Domínguez Díaz.

DNI: 33847010-A.