A directora da Axencia de Protección da Legalidade Urbanística acordou, o día 15 de decembro de 2014, incoar o expediente de reposición da legalidade urbanística en relación coas obras realizadas en solo rústico, sen a preceptiva autorización urbanística autonómica, consistentes na instalación: a) dunha edificación de planta baixa e forma rectangular con cuberta a unha auga, con fachadas de táboas de madeira, con dúas portas de madeira e fiestras do mesmo material con cortinas decorativas interiores, b) dunha estrutura cuberta de madeira de planta baixa e forma sensiblemente cadrada, con cuberta a catro augas de lousa e con mesa e bancos de madeira, c) doutra estrutura de madeira de planta baixa e cuberta a unha auga situada ao carón do peche, e na construción: a) dun solado de pedra, b) dunha soleira pavimentada para aparcadoiro de vehículos, que conforman un conxunto cuxas características son propias dun uso residencial, situada no lugar do Regueiro, parroquia de Ombreiro, no termo municipal de Lugo, provincia de Lugo.

Ao non poderse realizar a notificación persoal daquel acordo a Delio Cabado Viña, mediante a presente cédula, e ao abeiro do disposto no artigo 59.5 da Lei 30/1992, de réxime xurídico das administracións públicas e do procedemento administrativo común (LRXPAC), notifícaselle ao interesado o devandito acordo.

Tendo en conta que, en atención ao previsto no artigo 61 da LRXPAC, o acto non se publica na súa integridade, comunícaselle ao interesado que o texto íntegro do acordo que se notifica se encontra ao seu dispor nas dependencias da Axencia de Protección da Legalidade Urbanística, sita no Edificio Witland, 1º andar, Salgueiriños, en Santiago de Compostela, para a súa consulta no prazo de dez (10) días hábiles, que se contarán desde o día seguinte ao da publicación desta cédula. Transcorrido o devandito prazo, a notificación entenderase producida.

O interesado dispón dun prazo de quince (15) días, contados a partir do día seguinte a aquel en que se produza a notificación desta cédula, para presentar as alegacións, documentos ou informacións que considere pertinentes e, se é o caso, propor proba concretando os medios dos que pretenda valerse.

Para que conste e lle sirva de notificación ao citado interesado en cumprimento do disposto no artigo 59.5 da LRXPAC, expido e asino esta cédula.

Santiago de Compostela, 13 de xaneiro de 2015

María Martínez Allegue
Directora da Axencia de Protección da Legalidade Urbanística