A Consellería de Medio Ambiente, Territorio e Infraestruturas, a través da Axencia Galega de Infraestruturas, está a promover a segunda fase dos mapas estratéxicos de ruído das vías pertencentes á Rede Autonómica de Estradas de Galicia. Estes mapas deséñanse para avaliar globalmente a exposición ao ruído nunha zona determinada debido á existencia de distintas fontes de ruído, realizar predicións globais para a dita zona e así mellorar a calidade acústica no noso contorno.
Por todo isto, e de conformidade co disposto na Lei 37/2003, do 17 de novembro, do ruído, no Real decreto 1367/2007, do 19 de outubro, polo que se desenvolve a citada lei, e no Real decreto 1038/2012, do 6 de xullo, polo que se modifica o real decreto anterior, sométense a información pública os mapas estratéxicos de ruído das estradas que a seguir se relacionan:
Estrada |
Zona de Ourense |
Treito/s |
Clave |
Concello/s |
AG-53 |
Alto de Sto. Domingo (A-53)-Enl. Barbantes (A-52) |
78+730 ao 87+240 |
OU/13/058.09.1 |
Maside, Punxín, Ourense, Amoeiro, Toén |
OU-105 |
Ourense (A Ponte Sevilla)-A Ponte Noalla (N-525) |
4+210 ao 5+530 |
OU/13/058.09.2 |
Ourense, San Cibro das Viñas |
OU-536 |
Ourense-A Pobra de Trives (OU-636) |
0+000 ao 8+040 |
OU/13/058.09.3 |
Ourense, O Pereiro de Aguiar |
OU-540 |
Ourense-Fronteira de Portugal (A Madalena) |
0+000 ao 14+910 |
OU/13/058.09.4 |
Ourense, Barbadás, A Merca, San Cibrao das Viñas |
A duración da información pública será dun mes, contado a partir do día seguinte ao da publicación deste anuncio no Diario Oficial de Galicia, período no cal poderán ser examinados polas persoas que o desexen, co obxecto de formularen as correspondentes alegacións ou as suxestións que consideren oportunas.
A exposición ao público, para os efectos do presente anuncio, realízase na Axencia Galega de Infraestruturas (San Caetano, s/n, 15781 Santiago de Compostela) e nas respectivas casas dos concellos. Así mesmo, na páxina web da Consellería de Medio Ambiente, Territorio e Infraestruturas (http://www.cmati.xunta.es/tema/c/Infraestruturas_Estradas), atópase ao dispor dos interesados o documento completo de cada un dos treitos referenciados.
Por outra banda, as observacións deberán enviarse á Axencia Galega de Infraestruturas ou poderán ser remitidas a través do seguinte enderezo de correo electrónico:
mapas-ruido.infraestruturas@xunta.es, indicando claramente a actuación a que van dirixidas e os datos persoais (nome e apelidos, NIF/CIF, enderezo de notificación, número de teléfono e enderezo de correo electrónico) da/s persoa/s interesada/s.
O que se fai público para xeral coñecemento, en cumprimento do disposto no artigo 14 da Lei 37/2003, do 17 de novembro, do ruído.
Santiago de Compostela, 15 de xaneiro de 2015
Francisco Menéndez Iglesias
Director da Axencia Galega de Infraestruturas